ព័ត៌មានទាន់ហេតុការណ៌, សង្គម

ថៃបញ្ជូនពលរដ្ឋខ្មែរ៤នាក់ដែលចូលកាប់ឈើខុសច្បាប់មកកម្ពុជាវិញ

កញ្ញា ហេង សុខលីន
| ០៣ មេសា ២០១៩
ម៉ោង ១២:០២

នៅថ្ងៃទី០២ ខែមេសា ឆ្នាំ២០១៩ ខាងភាគីថៃបានបញ្ជូនពលរដ្ឋខ្មែរចំនួន០៤នាក់ឲ្យមកកម្លាំងនគរបាលប៉ុស្តិ៍ច្រកទ្វារព្រំដែនអន្តរជាតិជាំ ពីបទឆ្លងដែនខុសច្បាប់ទៅកាប់ឈើនៅប្រទេសថៃ ដែលចេញតាមច្រកអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។ រូបភាព៖ អគ្គនាយកដ្ឋានអន្តោប្រវេសន៍ – General Department of Immigration – GDI

ថៃបញ្ជូនពលរដ្ឋខ្មែរ៤នាក់ដែលចូលកាប់ឈើខុសច្បាប់មកកម្ពុជាវិញតាមច្រកព្រំដែនអន្តរជាតិអូរស្វាយ ខេត្តឧត្តរមានជ័យ។

យោងតាមហ្វេសប៊ុកផេកនាយកដ្ឋានអន្តោប្រវេសន៍ បានឲ្យដឹងថា ថៃបានបញ្ជូនពលរដ្ឋខ្មែរ៤នាក់ដែលចូលទៅកាប់ឈើខុសច្បាប់មកកម្ពុជាវិញ កាលពីថ្ងៃទី០២ ខែមេសា ម្សិលមិញនេះ តាមច្រកអន្តរជាតិអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។

អ្នកនាំពាក្យក្រសួងការបរទេស លោក កេត សោផាន់ បានប្រាប់ វី.អូ.ឌី ថាកន្លងមក ភាគីថៃបានបញ្ជូនពលរដ្ឋខ្មែរមកកម្ពុជាវិញជារឿយៗពាក់ព័ន្ធនឹងករណីផ្សេងៗ ហើយទន្ទឹមនឹងនេះដែរ ក្រសួងពាក់ព័ន្ធតែងតែរំឭកដល់ពលរដ្ឋខ្មែរកុំឲ្យចូលទៅកាប់ឈើ ឬប្រព្រឹត្តបទល្មើសខុសច្បាប់។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។