សមត្ថកិច្ចឃាត់ខ្លួនបុរសម្នាក់សង្ស័យសម្លាប់យាយនិងចៅនៅកំពង់ចាម​

សមត្ថកិច្ចខេត្តកំពង់ចាមបានឃាត់ខ្លួនបុរសម្នាក់នៅថ្ងៃនេះ ដោយសង្ស័យថា បានសម្លាប់ស្ត្រីវ័យ៦៥ឆ្នាំ និងកុមារអាយុ៦ឆ្នាំ ត្រូវជាយាយនិងចៅនៅក្នុងខេត្តកំពង់ចាម កាលពីថ្ងៃទី៣ ខែមេសា។​

តាមគេហទំព័រអគ្គស្នងការដ្ឋាននគរបាលជាតិ គឺបុរសម្នាក់នោះរស់នៅភូមិត្រពាំងបឹង ឃុំថ្មពូន ស្រុកព្រៃឈរ។ តាមសមត្ថកិច្ចបុរសម្នាក់នេះសារភាពថា លោកសម្លាប់ដោយសាររឿងគំនុំ។

កាលពីថ្ងៃទី៣ ខែមេសា មានករណីឃាតកម្មមួយ គឺស្ត្រីជាយាយនិងចៅនៅក្នុងភូមិទួលថ្ម ឃុំថ្មពូនស្រុកព្រៃឈរ ត្រូវឃាតករសម្លាប់ដោយកាត់ក្បាលយកទៅបាត់។​