ស្ថិតិភ្ញៀវទេសចរក្នុងពិធីបុណ្យចូលឆ្នាំខ្មែរមានកំណើន៦៧ភាគរយ ខណៈជនបរទេសកើនឡើងជិត១០០ភាគរយ។
ក្នុងរបាយការណ៍ចេញផ្សាយកាលពីម្សិលមិញ ក្រសួងទេសចរណ៍ឲ្យដឹងថា ចំនួនភ្ញៀវទេសចរដែលធ្វើដំណើរ និងចេញកម្សាន្តក្នុងពិធីបុណ្យចូលឆ្នាំដែលមានរយៈពេល៣ថ្ងៃនៅទូទាំងប្រទេស មានជាង៤លាន ៧សែននាក់ ក្នុងនោះភ្ញៀវបរទេសមានជាង៨ម៉ឺន ៣ពាន់នាក់។
តាមរបាយការណ៍ដដែលនោះ ខេត្តបាត់ដំបងទទួលបានភ្ញៀវទេសចរច្រើនជាងគេដែលមានប្រមាណ៨៧ម៉ឺននាក់ ខណៈស្វាយរៀងទទួលភ្ញៀវបានជាង៤៦ម៉ឺននាក់ និងសៀមរាបជាង៣៨ម៉ឺននាក់។
ពិធីបុណ្យចូលឆ្នាំប្រពៃណីជាតិខ្មែរចាប់ផ្ដើមនៅថ្ងៃទី១៤ ខែមេសា និងបញ្ចប់ទៅវិញនៅថ្ងៃទី១៦ ខែមេសា ឆ្នាំ២០១៩៕
