រដ្ឋាភិបាលយកទិវាពលកម្មអន្តរជាតិ១ឧសភានេះ រៀបចំឲ្យកម្មករនៅរោងចក្រមួយ បានពិសាអាហារជុំគ្នា និងរាំកំសាន្ត ខណៈនាយករដ្ឋមន្ត្រីថា រោងចក្រនោះផ្តល់ប្រាក់ឈ្នួលដល់កម្មករចន្លោះពី២២០ ទៅ២៨០ដុល្លារ។
តាមហ្វេសប៊ុកនាយករដ្ឋមន្ត្រី កម្មវិធីនេះ រៀបចំនៅរោងចក្រ«យីដា»មានទីតាំងនៅភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្តាល ដែលថា មានកម្មករ ប្រមាណ ៣៧០០នាក់ចូលរួម។
តាមនាយករដ្ឋមន្ត្រី រោងចក្រនេះ៖ «ផ្តល់ប្រាក់ឈ្នួលជាមធ្យមសម្រាប់កម្មករ និយោជិតម្នាក់ៗចន្លោះពី ២២០ដុល្លារអាមេរិក ដល់ ២៨០ដុល្លារអាមេរិកក្នុងមួយខែ»។
តាមរដ្ឋាភិបាល ផលិតផលរោងចក្រ យីដា នាំចេញទៅលក់នៅសហភាពអឺរ៉ុប និងសហរដ្ឋអាមេរិក ហើយថា រោងចក្រនេះ បានផ្តល់ប្រាក់ឈ្នួល និងប្រាក់បន្ទាប់បន្សំជូនកម្មករ និយោជិតសរុបជាង ៨៦ម៉ឺនដុល្លារ ( ៨៦៦,៥៧០) ក្នុងមួយខែ។
