ធនាគារកណ្ដាលកម្ពុជា បានសម្រេចផ្ទេរអគាររដ្ឋបាលកណ្ដាលរបស់ខ្លួននៅបណ្ដោយមហាវិថីនរោត្តម ទៅកាន់ទីតាំងថ្មី ដើម្បីរុះរើសាងសង់អគារថ្មីនៅទីតាំងបច្ចុប្បន្ន។
ក្នុងសេចក្ដីជូនដំណឹងចុះថ្ងៃ៣០ ខែមេសា ធនាគារជាតិឲ្យដឹងថា អគាររដ្ឋបាលនៃធនាគារជាតិ នឹងត្រូវផ្លាស់ប្ដូរទៅកាន់ទីតាំងថ្មី ស្ថិតសង្កាត់វត្តភ្នំ ខណ្ឌដូនពេញ ចាប់ពីថ្ងៃទី២ ខែឧសភា តទៅ។
កាលពីថ្ងៃទី១២ ខែមិថុនា ឆ្នាំ២០១៨ ធនាគារបានប្រកាសពីគម្រោងសាងសង់អគារថ្មីរបស់ខ្លួន ដែលយករចនាតាមរចនាបទប្រាសាទភ្នំដែលបង្ហាញពីការរីកចម្រើនវិស័យធនាគារ ប៉ុន្តែ ធនាគារជាតិមិនបានបង្ហាញពីតម្លៃនៃអគារថ្មីដែលត្រូវសាងសង់នោះទេ។
ធនាគារជាតិពេលបច្ចុប្បន្ន ត្រូវបានសាងសង់ឡើងវិញនៅឆ្នាំ១៩៩០ ហើយបានកែលម្អបន្ថែមនៅឆ្នាំ២០០៣ នឹងត្រូវបានប្រើប្រាស់រហូតមកដល់ពេលបច្ចុប្បន្ន៕
