លោកនាយករដ្ឋមន្ត្រី ហ៊ុន សែន លុបចោលគម្រោងការងារមួយចំនួននៅសប្តាហ៍ក្រោយដោយសារត្រូវទៅពិនិត្យ និងព្យាបាលជំងឺនៅប្រទេសសិង្ហបុរី។
តាមសារនៅលើហ្វេសប៊ុករបស់លោកនៅថ្ងៃនេះ លោកនាយករដ្ឋមន្ត្រីបញ្ជាក់ថា លោកមានបញ្ហាគ្រេចស្មា ហើយគ្រូពេទ្យនៅសិង្ហបុរីតម្រូវឱ្យទៅ ទើបលុបការណាត់ជួបមួយចំនួន។
លោក ហ៊ុន សែន៖ «ដោយសារមានបញ្ហាគ្រេចស្មាខាងស្តាំ និងដោយគ្រូពេទ្យតម្រូវឱ្យខ្ញុំទៅឱ្យគ្រូពេទ្យសិង្ហបូរីពិនិត្យ និងព្យាបាល។ ខ្ញុំសូមអធ្យាស្រ័យពីសំណាក់មិត្តភក្តិទាំងបរទេស ទាំងខ្មែរ ដែលត្រូវជួបខ្ញុំនៅសប្តាហ៍ក្រោយនេះ ដែលខ្ញុំត្រូវលុបចោលនូវជំនួបនោះ។»
លោកនាយករដ្ឋមន្ត្រីមិនបានបញ្ជាក់ថា លោកត្រូវចេញទៅពេទ្យថ្ងៃណា និងត្រលប់មកកម្ពុជាវិញថ្ងៃណានោះទេ។
