ទំនាក់ទំនងអន្តរជាតិ, ព័ត៌មានទាន់ហេតុការណ៌

កម្ពុជា និងតួកគីសហការលើផ្នែកពង្រឹងសន្តិសុខ

ទំនាក់ទំនងអន្តរជាតិ ព័ត៌មានទាន់ហេតុការណ៌-

លោក ពៅ មេត្តា
| ៣១ កក្កដា ២០១៩
ម៉ោង ១៤:៤៨

ថ្ងៃទី៣០ ខែកក្កដា ឆ្នាំ២០១៩ កិច្ចព្រមព្រៀងស្ដីពីកិច្ចសហប្រតិបត្តិការសន្តិសុខ រវាងព្រះរាជាណាចក្រកម្ពុជា និងសាធារណរដ្ឋតួកគី ត្រូវបានចុះហត្ថលេខាជាផ្លូវការ នៅទីស្ដីការក្រសួងមហាផ្ទៃ នៃសាធារណរដ្ឋតួកគី ដែលធ្វើឡើងដោយលោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៃព្រះរាជាណាចក្រកម្ពុជា និងលោក Suleyman Soylu រដ្ឋមន្រ្តីក្រសួងមហាផ្ទៃនៃសាធារណរដ្ឋតួកគី។ រូបភាព៖ ហ្វេសប៊ុកលោក ស ខេង

មន្ត្រីជាន់ខ្ពស់របស់រដ្ឋាភិបាលកម្ពុជា និងតួកគីបានចុះហត្ថលេខា ដើម្បីពង្រឹងកិច្ចសហប្រតិបត្តិការផ្លាស់ប្តូរការបណ្តុះបណ្តាលលើកម្លាំងការពារសន្តិសុខ និងចែករំលែកបទពិសោធន៍គ្នាទៅវិញទៅមក។

ពិធីនេះធ្វើឡើងនៅក្នុងឱកាសដែលលោក ស ខេង រដ្ឋមន្ត្រីក្រសួងមហាផ្ទៃកម្ពុជាទៅបំពេញទស្សនកិច្ចនៅប្រទេសតួកគី។ នេះបើតាមហ្វេសប៊ុករបស់លោក ស ខេង។

កិច្ចព្រមព្រៀងស្តីពីកិច្ចសហប្រតិបត្តិការសន្តិសុខ រវាងកម្ពុជា និងសាធារណរដ្ឋតួកគី ត្រូវបានចុះហត្ថលេខាដោយលោក ស ខេង និងលោក ស៊ូ ឡីមេន ( Suleyman Soylu) រដ្ឋមន្ត្រីក្រសួងមហាផ្ទៃនៃសាធារណរដ្ឋតួកគី។

កិច្ចព្រមព្រៀងនេះធ្វើឡើងជាលើកទី១ រវាងប្រទេសទាំងពីរបន្ទាប់ពីទំនាក់ទំនងការទូតបានរយៈពេល៦០ឆ្នាំកន្លងទៅនេះ។ កម្ពុជា និងតួកគីក៏បានជជែកផ្តោតលើការបណ្តុះបណ្តាលនគរបាល មន្ត្រីឆ្មាំសមុទ្រ និងរួមទាំងកងរាជអាវុធហត្ថផងដែរ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។