បេក្ខជនប្រឡងបាក់ឌុបឆ្នាំនេះអវត្តមានជិត២០០០នាក់

សិស្សានុសិស្សប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី ១៩ ខែសីហា ឆ្នាំ២០១៩ (ប្រភពរូប៖ ក្រសួងអប់រំ)

ក្រសួងអប់រំបង្ហាញរបាយការណ៍ថា សិស្សដែលចូលរួមប្រឡងមធ្យមសិក្សាទុតិយភូមិ(បាក់ឌុប)នៅឆ្នាំនេះ អវត្តមានជិត២០០០នាក់។​

សេចក្តីប្រកាសព័ត៌មានរបស់ក្រសួងអប់រំចេញផ្សាយនៅថ្ងៃនេះបង្ហាញថា ក្នុងចំណោមសិស្សដែលមានសិទ្ធិប្រឡងមធ្យមសិក្សាថ្ងៃទី១៩ -២០ខែសីហាឆ្នាំ២០១៩ចំនួន​១១៧ ០៤៣នាក់នោះគឺអវត្តមាន១៨៣៨នាក់។​ របាយការណ៍ក្រសួងឱ្យដឹងដែរថា កាលពីឆ្នាំ២០១៨ចំនួន​ សិស្សអវត្តមានចំនួន​១៨៩៩នាក់។​

អ្នកនាំពាក្យក្រសួងអប់រំ យុវជន និងកីឡា លោករស់ សុវាចា បានប្រាប់VODតាមរយៈបណ្តាញសង្គមតេឡេក្រាមថារហូតមកដល់ពេលនេះ លោកមិនទាន់ទទួលបានពត៌មានលម្អិតពីមូលហេតុនៃអវត្តមានរបស់បេក្ខជននៅឡើយទេ។ លោកបញ្ជាក់ថា ក្រុមការងារក្រសួងកំពុងតែផ្តោតសំខាន់លើការងារជាទូទៅមុនសិន។

លោក រស់ សុវាចា៖ « មកដល់ពេលនេះគឺមិនទាន់មានព័ត៌មានលម្អិតអាចបញ្ជាក់ជូនពីមូលហេតុនៅក្នុងការអវត្តមានរបស់សិស្សនេះទេ ដោយហេតុផលថាក្រុមការងារកណ្តាលក្រសួងកំពុងតែខិតខំធ្វើការងារទូទៅ និងការងារជាអទិភាពជាមុនសិន»។

បើតាមសេចក្តីប្រកាសរបស់ក្រសួង លទ្ធផលប្រឡងនឹងចេញជាផ្លូវការនៅថ្ងៃទី១០ ខែកញ្ញា ឆ្នាំ ២០១៩ នៅតាមមណ្ឌលរាជធានីភ្នំពេញ និងពេលរសៀលថ្ងៃដដែលនៅខេត្តកណ្តាល ចំណែកឯមណ្ឌលប្រលងក្នុងខេត្តផ្សេងៗទៀតនឹងចេញនាថ្ងៃទី ១១ ខែកញ្ញា ឆ្នាំ២០១៩ តាមរយៈការផ្សព្វផ្សាយក្នុងបណ្តាញទំព័រហ្វេសប៊ុកជាផ្លូវការរបស់ក្រសួងអប់រំ យុវជន និងកីឡា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ