លោកនាយករដ្ឋមន្ត្រីហ៊ុន សែន ដឹកនាំគណៈប្រតិភូ ទៅបំពេញទស្សនកិច្ចនៅតាមបណ្តាប្រទេសនានានៅតំបន់អឺរ៉ុបរយៈពេល៥ថ្ងៃគឺចាប់ថ្ងៃទី១៣ស្អែកនេះ រហូតដល់ថ្ងៃទី១៧ខែតុលា។
តាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ឱ្យដឹងថា ក្នុងដំណើរទស្សនកិច្ចនេះមានការចូលរួមពីលោក លោក ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងលោក ថោង ខុន រដ្ឋមន្ត្រីក្រសួងទេសចរណ៍។
ដំណើរទស្សនកិច្ចនេះលោកនាយករដ្ឋមន្ត្រី និងគណៈប្រតិភូទៅសាធារណរដ្ឋឆែក ហុងគ្រី និងសាធារណរដ្ឋប៊ុលការី។
