កូវីដ-១៩, អន្តរជាតិ

មន្ត្រីជាន់ខ្ពស់អ៊ីរ៉ង់ស្លាប់ដោយសារមេរោគកូរ៉ូណាកើនដល់៦នាក់

លោក ពៅ មេត្តា
| ០៧ មីនា ២០២០
ម៉ោង ១០:៤៥

លោក Hossein Sheikholeslam ជាអតីតអ្នកការទូតល្បីឈ្មោះម្នាក់របស់អ៊ីរ៉ង់ ហើយបច្ចុប្បន្នជា ទីប្រឹក្សាក្រសួងការបរទេស បានទទួលមរណភាពកាលពីយប់ថ្ងៃព្រហស្បតិ៍ដោយសារមេរោគកូរ៉ូណា។ រូបថត ពីAFP

មន្ត្រីជាន់ខ្ពស់របស់អ៊ីរ៉ង់ រួមមានទាំងមន្ត្រីរដ្ឋាភិបាល និងអ្នកនយោបាយ ដែលបានស្លាប់ដោយសារតែមេរោគកូរ៉ូណាកើនដល់៦នាក់ បើគិតទាំងទីប្រឹក្សាក្រសួងការបរទេសដែលទើបស្លាប់កាលពីយប់ថ្ងៃព្រហស្បតិ៍ ខណៈមន្ត្រីមួយចំនួនទៀតកំពុងផ្ទុកមេរោគនេះ។

តាមការចុះផ្សាយរបស់សារព័ត៌មានChannel News Asia ឱ្យដឹងថា លោក Hossein Sheikholeslam ជាអតីតអ្នកការទូតល្បីឈ្មោះម្នាក់របស់អ៊ីរ៉ង់ ហើយបច្ចុប្បន្នជា ទីប្រឹក្សាក្រសួងការបរទេស បានទទួលមរណភាពកាលពីយប់ថ្ងៃព្រហស្បតិ៍ដោយសារមេរោគកូរ៉ូណា។ ការស្លាប់នេះ ធ្វើឱ្យចំនួនមន្ត្រីជាន់ខ្ពស់ រួមទាំងសមាជិកសភា និងមន្ត្រីរដ្ឋាភិបាលដែលស្លាប់ដោយសារកូរ៉ូណាកើនដល់៦នាក់។

មេរោគកូរ៉ូណាក៏កំពុងតែស្ថិតនៅក្នុងខ្លួនមន្ត្រីជាន់ខ្ពស់របស់រដ្ឋាភិបាលអ៊ីរ៉ង់មួយចំនួនទៀត ស្របពេលដែលអ្នកស្លាប់នៅក្នុងប្រទេសនេះដោយសារតែមេរោគកូរ៉ូណាកើនដល់១២៤នាក់ ហើយអ្នកផ្ទុកមេរោគនេះមានជិត៥០០០នាក់។

រដ្ឋាភិបាលអ៊ីរ៉ង់បានប្រកាសបិទសាលារៀនទាំងអស់ទូទាំងប្រទេស ហើយក៏បានកាត់បន្ថយម៉ោងការងារផងដែរ ដើម្បីទប់ស្កាត់ការឆ្លងរាលដាល។

ករណីឆ្លងកូវីដ១៩ថ្មីនៅចិនធ្លាក់ចុះទាប បន្ទាប់ពីវិធានការហាមមនុស្ស៥០លាននាក់ចេញពីផ្ទះ

តំណាងរាស្រ្តអ៊ីរ៉ង់២៣រូបឆ្លងមេរោគកូវីដ១៩ ខណៈអ្នកស្លាប់កើនដល់៧៧នាក់

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។