កម្ពុជា-ថៃ ព្រមព្រៀងសម្រេចបិទច្រកព្រំដែនអន្តរជាតិចំនួន១៥ជាបណ្តោះអាសន្ន ដើម្បីទប់ស្កាត់ការរីករាលដាលនៃជំងឺកូវីដ-១៩ ខណៈជំងឺនេះកំពុងរាតត្បាតលើពិភពលោក។
អគ្គនាយករងនៃអគ្គនាយកដ្ឋានអន្តោប្រវេសន៍ លោក កែវ វណ្ណថន បានប្រាប់វីអូឌីតាមបណ្តាញសង្គមនាព្រឹកនេះថាកម្ពុជា-ថៃ ព្រមព្រៀងគ្នាបិទច្រកទ្វាអន្តរជាតិ និងច្រកទ្វាតំបន់មួយចំនួន នៃប្រទសទាំងពីរជាបណ្តោះអាសន្នចំនួន១៥ច្រក។ លោក វណ្ណថន បញ្ជាក់ថា ដើមចមដែលនាំឲ្យភាគីកម្ពុជា-ថៃសម្រេចបិទច្រកទ្វាអន្តរជាតិ និងច្រកទ្វាតំបន់ទាំង១៥បណ្តោះអាសន្ននោះ ដើម្បីទប់ស្កាត់ការរីករាលដាលនៃជំងឺកូវីដ-១៩។
ច្រកទាំងនោះរួមមាន ច្រកទ្វាអន្តរជាតិចាំយាម ច្រកទ្វាអន្តរជាតិព្រំ (ប៉ៃលិន) ច្រកទ្វាអន្តរជាតិភ្នំដី ច្រកទ្វាអូរស្មាច់ និងច្រកទ្វារតំបន់ស្ពានជ័យជំនះ តំបន់ពាមតា តំបន់២០៣ តំបន់៤០០(សំឡូត) តំបន់សែនចៅ តំបន់អូរអន្លក់ តំបន់អូររំដួល តំបន់ម៉ាឡៃ តំបន់បឹងត្រកួន តំបន់ជប់គគីរ និងច្រកទ្វាតំបន់អានសេះជាដើម។ ច្រកទ្វាអន្តរជាតិ និងច្រកទ្វាតំបន់ រវាងកម្ពុជា-ថៃ មានចំនួន២៤ច្រក។
កាលពីថ្ងៃទី១៨ ខែមីនា ឆ្នាំ២០២០ កម្ពុជា-វៀតណាមជាបណ្តោះអាសន្ន ក៏បានសម្រចបិទច្រកព្រំដែនជាមួយគ្នាដែរដើម្បីទប់ស្កាត់ការរីករាលដាលនៃវីរុសកូវីដ-១៩នេះ។
