ក្រសួងសុខាភិបាលប្រកាសនៅព្រឹកថ្ងៃអាទិត្យនេះថា រកឃើញអ្នកផ្ទុកកូវីដ១៩ចំនួន២នាក់បន្ថែមទៀត ម្នាក់នៅខេត្តកណ្តាល និងម្នាក់ទៀតនៅត្បូងឃ្មុំ នាំឱ្យចំនួនអ្នកដែលមានកូវីដ១៩នៅកម្ពុជាកើនដល់១៤១នាក់។
តាមសេចក្តីប្រកាសព័ត៌មានរបស់ក្រសួងសុខាភិបាលនៅព្រឹកថ្ងៃអាទិត្យនេះ បញ្ជាក់ថា អ្នកផ្ទុកកូវីដ១៩ ម្នាក់ជាបុរស អាយុ២៣ឆ្នាំ រស់នៅ ខេត្តត្បូងឃ្មុំ និងម្នាក់ទៀត រស់នៅ ខេត្តកណ្តាល។ ក្រសួងបញ្ជាក់ថា បុរសជនជាតិខ្មែរទាំងពីរនាក់ធ្វើដំណើរតាមយន្តហោះផ្ទាល់ពីម៉ាឡេស៊ីមកកម្ពុជាកាលពីថ្ងៃទី២៦ខែមិថុនាឆ្នាំ២០២០។
របាយការណ៍ក្រសួងបង្ហាញត្រឹមព្រឹកថ្ងៃទិត្យនេះគឺ អ្នកមានមេរោគកូវីដ១៩នៅកម្ពុជាសរុបមានចំនួន១៤១នាក់ ក្នុងនោះបានព្យាបាលជាសះស្បើយមានចំនួន១២៩នាក់៕
