ក្រសួងមហាផ្ទៃបង្កើតគណៈកម្មការត្រួតពិនិត្យ និងឆែកឆេរ នៅតាមមណ្ឌលអប់រំកែប្រែ និង ពន្ធនាគាររាជធានីខេត្តទាំងអស់ ដើម្បីពង្រឹងការអនុវត្តន៍ច្បាប់ធានាមិនឱ្យមានបទល្មើសកើតឡើងនៅតាមកន្លែងឃុំខ្លួនទាំងនោះ។
តាមលិខិតរបស់លោក ស ខេង រដ្ឋមន្ត្រីក្រសួងមហាផ្ទៃចុះថ្ងៃទី១៤ខែសីហា បង្ហាញថា គណៈកម្មការនេះ មានសមាសភាព១២រូប ដែលមាន លោក ឆែម សាវុធ អគ្គនាយកនៃអគ្គនាយកដ្ឋានពន្ធនាគារជាប្រធាន។
ក្នុងលិខិតបញ្ជាក់ថា គណៈកម្មការនេះ មានសិទ្ធិត្រួតពិនិត្យ និង ឆែកឆេរ នៅតាមមណ្ឌលអប់រំកែប្រែ និងពន្ធនាគារនៅតាមរាជធានីខេត្តទាំងអស់បើសង្ស័យថា មានបទល្មើស។ ចំណែកលទ្ធផលតាមដំណាក់កាលការងារ ត្រូវរាយការណ៍ទៅលោក ស ខេង រដ្ឋមន្ត្រីក្រសួងមហាផ្ទៃ៕
