របាយការណ៍ក្រសួងសុខាភិបាលប្រចាំថ្ងៃចន្ទទី១៧ខែសីហានេះ បញ្ជាក់ថា មិនមានករណីឆ្លងថ្មីនៃមេរោគកូវីដ១៩ ហើយក៏មិនមានករណីព្យាបាលជាសះស្បើយដែរ។
សេចក្តីប្រកាសព័ត៌មានរបស់ក្រសួងសុខាភិបាលនៅព្រឹកនេះ បញ្ជាក់ថា ចំនួនអ្នកឆ្លង និង អ្នកជាសះស្បើយនៅដដែលគឺអ្នកឆ្លងសរុបទាំងអស់មានចំនួន២៧៣នាក់ និងជាសះស្បើយមានចំនួន២៣៨នាក់ស្មើនឹង៨៧,១៨ភាគរយ។
របាយការណ៍បញ្ជាក់ទៀតថា អ្នកដែលកំពុងសម្រាកព្យាបាលនៅពេទ្យរដ្ឋ និងឯកជន មានចំនួន ៣៥នាក់ ក្នុងនោះ មណ្ឌលសុខភាពចាក់អង្រែ រាជធានីភ្នំពេញ២៧នាក់ ពេទ្យបង្អែកខេត្តកំពង់ស្ពឺ៣នាក់ ពេទ្យបង្អែកខេត្តត្បូងឃ្មុំ៤នាក់ និងពេទ្យរ៉ូយ៉ាល់ភ្នំពេញចំនួន១នាក់៕
