លោក Joe Biden ដែលទើបជាប់ឆ្នោតជាប្រធានាធិបតី ហើយនឹងចូលកាន់តំណែងផ្លូវការនៅខែមករាឆ្នាំ២០២១ខាងមុខនេះ បញ្ជាក់ថា លោកនឹងធ្វើជាប្រធានាធិបតីល្អសម្រាប់ពលរដ្ឋអាមេរិកទាំងអស់ទោះអ្នកបោះឆ្នោតគាំទ្រលោក ឬ មិនបោះឆ្នោតគាំទ្រក៏ដោយ។
លោក Joe Biden សរសេរនៅលើហ្វេសប៊ុករបស់លោកក្រោយពេល ដឹងលទ្ធផលថា លោកឈ្នះការបោះឆ្នោតថា លោកអរគុណពលរដ្ឋអាមេរិកដែលជ្រើសរើសលោកឱ្យដឹកនាំប្រទេសដ៏អស្ចារ្យនេះ។ លោកបញ្ជាក់ថា ក្នុងតំណែងនេះ នឹងជួបការលំបាក ប៉ុន្តែលោកសន្យាប្រឹងប្រែងធ្វើការងារឱ្យបានល្អសម្រាប់ពលរដ្ឋអាមេរិកកាំងទាំងអស់។
លោក Joe Biden៖«ការងារទៅពេលខាងមុខនឹងធ្វើឱ្យយើងជួបការលំបាក ប៉ុន្តែខ្ញុំសន្យាដល់អ្នកទាំងអស់គ្នាថា ខ្ញុំនឹងបំពេញការងារជាប្រធានាធិបតីសម្រាប់ពលរដ្ឋអាមេរិកទាំងអស់គ្នា ទោះអ្នកបោះឆ្នោតគាំទ្ររូបខ្ញុំ ឬ មិនបោះឆ្នោតគាំទ្រក៏ដោយ»។
