ក្រសួងចាត់វិធានការបន្ទាន់ជាថ្មីទប់ស្កាត់ការឆ្លងកូវីដ១៩

ក្រសួងចាត់វិធានការបន្ទាន់ជាថ្មី ដោយបិទ KTV  ក្លឹបកម្សាន្ត រោងភាពយន្ត និងសារមន្ទីរទូទាំងប្រទេសដោយមិនកំណត់ពេល ហើយក៏បិទសាលារៀននៅភ្នំពេញ និងទីរួមខេត្តកណ្តាល២សប្តាហ៍។​

លិខិតរបស់ក្រសួងសុខាភិបាលចេញផ្សាយនៅថ្ងៃនេះ បានស្នើទៅក្រសួងវប្បធម៌ និងក្រសួងទេសចរណ៍ ដើម្បីបិទ KTV ក្លឹបកម្សាន្ត រោងភាពយន្ត និងសារមន្ទីរទូទាំងប្រទេស ដោយមិនកំណត់ពេល រហូតដល់មានការជូនដំណឹងជាថ្មី។​

នៅថ្ងៃនេះដែរក្រសួងអប់រំបានជូនដំណឹងពីការបិទសាលារៀននៅរាជធានីភ្នំពេញ និងនៅទីរួមខេត្តកណ្តាលរយៈពេល២សប្តាហ៍។​ ចំណាត់ការភ្លាមៗនេះ ដោយបញ្ជាក់ហេតុផលថា ដើម្បីទប់ស្កាត់ការឆ្លងរាលដាលមេរោគកូវីដ១៩។