ក្រសួងអប់រំប្រកាសឱ្យសិស្សថ្នាក់ទី៩និងទី១២ ក្នុងឆ្នាំសិក្សា២០១៩-២០២០នេះ ជាប់ទាំងអស់ដោយគ្មានការកំណត់និទ្ទេសអ្វីទាំងអស់។
តាមសេចក្តីជូនដំណឹងរបស់ក្រសួងអប់រំ យុវជន និងកីឡា ដែលចេញនៅថ្ងៃនេះ ការឱ្យសិស្សថ្នាក់ទី៩និងទី១២ដែលបានចុះឈ្មោះប្រឡងទាំងអស់ជាប់ជាស្ថាពរ ធ្វើឡើងតាមអនុសាសន៍របស់លោកនាយករដ្ឋមន្រ្តី ហ៊ុន សែន។
លោកនាយករដ្ឋមន្ត្រី ហ៊ុន សែន កាលពីម្សិលមិញ បានប្រកាសឱ្យសិស្សថ្នាក់ទី១២ទូទាំងប្រទេសជាប់ដោយស្វ័យប្រវត្តិ ដោយមិនចាំបាច់ឆ្លងកាត់ការប្រឡង ដោយលោកថា ដើម្បីការពារកុំឱ្យមានការឆ្លងរីករាលដាលនៃជំងឺកូវីដ១៩៕
