សមភាពយេនឌ័រ ជារឿងមួយដែលគេពិភាក្សាជាច្រើនឆ្នាំមកហើយ ដើម្បីជំរុញលើកទឹកចិត្តកុមារីនិងស្ត្រីឱ្យមានភាពក្លាហាន ហ៊ានប្រើប្រាស់នូវសិទ្ធិរបស់ខ្លួន និងចាក់ទម្លុះផ្នត់គំនិតអវិជ្ជមានរបស់សង្គម។
ដោយមានចិត្តចង់ជំរុញឱ្យមានស្ត្រីកាន់តែក្លាហានចូលរួម ក្រុមយុវជននិងស្ត្រីដែលមានគ្នា១២នាក់បានចូលរួមគ្នាបង្កើតហ្វេសប៊ុកផេកមួយដែលមានឈ្មោះថា Breakthrough (ចាក់ទម្លុះ) ដើម្បីផ្សព្វផ្សាយនូវវីដេអូលើកទឹកចិត្តដល់ស្ត្រីនិងកុមារីនៅកម្ពុជា។
VOD បានជួបសម្ភាសជាមួយនឹងសហស្ថាបនិកនៃទំព័រហ្វេសប៊ុកនេះចំនួនពីរនាក់ ដែលនឹងបកស្រាយមូលហេតុទាំងនេះឱ្យកាន់តែច្បាស់។
តទៅនេះ សូមទស្សនាបទសម្ភាសន៍រវាងអ្នកយកព័ត៌មាន VOD លោក ហ៊ុន សិរីវឌ្ឍន៍ ជាមួយកញ្ញា អ៊ុំ រាជនិធម៌ និងកញ្ញា អ៊ុង រង់ផលទេវី ដែលជាសហស្ថាបនិកនៃទំព័រហ្វេសប៊ុកនេះដូចតទៅ៖
