ក្រសួងសុខាភិបាលបានប្រកាសពីការរកឃើញអ្នកឆ្លងជំងឺកូវីដ-១៩ ថ្មី ចំនួន៣៣៥នាក់ នៅព្រឹកថ្ងៃទី១៥ ខែឧសភានេះ។ អ្វីជាការកត់សម្គាល់ ចំនួននេះបានថយចុះ២៣នាក់ បើធៀបនឹងថ្ងៃម្សិលមិញ៣៥៨នាក់ ខណៈអ្នកជាសះស្បើយវិញមានចំនួនដល់ទៅ៨៧៣នាក់។
គិតត្រឹមថ្ងៃទី១៥ ខែឧសភា ឆ្នាំ២០២១នេះ កម្ពុជារកឃើញអ្នកឆ្លងជំងឺកូវីដ-១៩ សរុប២១ ៨៣៤នាក់ ក្នុងនោះ អ្នកជំងឺដែលព្យាបាលជាសះស្បើយសរុប១០ ៧៤០ករណី ស្លាប់ចំនួន១៤៧នាក់ដដែល និងករណីនាំចូលពីក្រៅប្រទេសមានចំនួន៦២១នាក់។
កាលពីថ្ងៃទី១៤ ខែឧសភា ម្សិលមិញ ក្រសួងសុខាភិបាលក៏បានប្រកាសពីយុទ្ធនាការចាក់វ៉ាក់សាំងដល់ប្រជាពលរដ្ឋកម្ពុជាបានចំនួន២លាននាក់៕
