ក្រសួងសុខាភិបាល រកឃើញអ្នកឆ្លងជំងឺកូវីដ-១៩ថ្មី ជាង៤០០នាក់បន្ថែមទៀត និងមានករណីជាសះស្បើយជាង៨០០នាក់ ខណៈមានអ្នកជំងឺម្នាក់ទៀតបានស្លាប់ដោយសារជំងឺនេះ។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២១ ខែឧសភា ឆ្នាំ២០២១ បញ្ជាក់ថា អ្នកឆ្លងជំងឺកូវីដ-១៩ ដែលបានរកឃើញឆ្លងកាលពីថ្ងៃម្សិលមិញ មានចំនួន៤៦០នាក់ ក្នុងនោះ មានករណីនាំចូលពីក្រៅប្រទេសចំនួន១៥នាក់។
ចំណែកអ្នកស្លាប់វិញ ក្រសួងថាមានម្នាក់ និងមានករណីជាសះស្បើយចំនួន៨២៤នាក់។
គិតត្រឹមព្រឹកថ្ងៃទី២១ ខែឧសភា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន២៤ ១៥៧នាក់ ក្នុងនោះអ្នកជំងឺព្យាបាលជាសះស្បើយមានចំនួន១៦ ៥២៤នាក់ និងអ្នកស្លាប់សរុប១៦៥នាក់៕
