ក្រសួងសុខាភិបាលប្រកាសថា ពលរដ្ឋជិត១ ០០០នាក់បន្ថែមទៀតបានឆ្លងជំងឺកូវីដ-១៩ និងមានអ្នកជំងឺដែលស្លាប់ដោយសារជំងឺឆ្លងមួយនេះចំនួន១៩នាក់បន្ថែមទៀត។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី០៧ ខែកក្កដា ឆ្នាំ២០២១ ឱ្យដឹងថា អ្នកស្លាប់ដោយជំងឺកូវីដ-១៩ កាលពីថ្ងៃម្សិលមិញ មានចំនួន១៩នាក់ និងករណីឆ្លងថ្មីមានចំនួន៩៨១នាក់ ស្របពេលអ្នកជាសះស្បើយថ្មីមានចំនួន៩៣៤នាក់។
បើតាមក្រសួងសុខាភិបាល គិតត្រឹមព្រឹកថ្ងៃទី០៧ ខែកក្កដា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៥៧ ១០៣នាក់ ក្នុងនោះ អ្នកជំងឺព្យាបាលជាសះស្បើយសរុបចំនួន៤៨ ៩៧៤នាក់ អ្នកស្លាប់សរុប៧៩៨នាក់ និងករណីនាំចូលពីក្រៅប្រទេសសរុប៣ ៧៦០នាក់៕
