អ្នកជំងឺ១៩នាក់ទៀតបានស្លាប់ដោយជំងឺកូវីដ-១៩ ខណៈអ្នកឆ្លងថ្មីមានជិត៧០០នាក់ទៀត ក្នុងនោះមានករណីនាំចូលពីក្រៅប្រទេសដល់ទៅជាង២០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២៧ ខែកក្កដា ឆ្នាំ២០២១ បានឱ្យដឹងថា អ្នកស្លាប់ដោយ ជំងឺកូវីដ-១៩ កាលពីថ្ងៃម្សិលមិញ មានចំនួន១៩នាក់បន្ថែមទៀត និងករណីឆ្លងថ្មីមានចំនួន៦៨៥នាក់ ស្របពេលអ្នកជាសះស្បើយថ្មីមានចំនួន៧៧៥នាក់។ ក្រសួងបន្តថា ក្នុងចំណោមអ្នកឆ្លងថ្មីចំនួន៦៨៥នាក់នោះ មានករណីឆ្លងក្នុងសហគមន៍ចំនួន៤២៣នាក់ និងករណីនាំចូលពីក្រៅប្រទេសចំនួន២៦២នាក់។
បើតាមក្រសួងសុខាភិបាល គិតត្រឹមព្រឹកថ្ងៃអង្គារនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៧៤ ៣៨៦នាក់ ក្នុងនោះ អ្នកជំងឺព្យាបាលជាសះស្បើយចំនួន៦៦ ៧២៥នាក់ និងអ្នកស្លាប់សរុប១ ៣២៤នាក់ និងករណីនាំចូលពីក្រៅប្រទេសសរុប៩ ៤១៤នាក់៕
