កូវីដ-១៩, ទំនាក់ទំនងអន្តរជាតិ, ព័ត៌មានជាតិ

វ៉ាក់សាំងកូវីដ-១៩ពាក់កណ្តាលទៀតដែលជាអំណោយរបស់អាមេរិកបានមកដល់កម្ពុជា

កូវីដ-១៩ ទំនាក់ទំនងអន្តរជាតិ ព័ត៌មានជាតិ-

លោកស្រី ពេជ្រ សុធារី
| ០២ សីហា ២០២១
ម៉ោង ០៨:៥៧

វ៉ាក់សាំងកូវីដ១៩ Johnson & Johnson ដែលជាជំនួយរបស់រដ្ឋាភិបាលនិងប្រជាពលរដ្ឋអាមេរិក ចំនួន៦០៩ ៦០០ដូសបន្ថែមទៀត តាមរយៈមជ្ឈមណ្ឌលកូវ៉ាក់ បានដឹកមកដល់ប្រទេសកម្ពុជា នៅយប់ម៉ោង០០:៤០នាទីអធ្រាត្រឈានចូលថ្ងៃទី២ ខែសីហា ឆ្នាំ២០២១ ដែលចំនួននេះជាជំហានទី២ នៃជំនួយសរុប១លានដូសមកកាន់កម្ពុជា។ (ហ្វេសប៊ុកលោក ហ៊ុន សែន)

វ៉ាក់សាំងការពារកូវីដ-១៩ Johnson & Johnson ជាង៦០ម៉ឺនដូសបន្ថែមទៀតដែលជាជំនួយរបស់សហរដ្ឋអាមេរិកជំហានទី២ បានមកដល់កម្ពុជាហើយនៅម៉ោងជាង១២យប់រំលងអធាត្រឈានចូលថ្ងៃទី០២ ខែសីហានេះ។

យោងតាមទំព័រហ្វេសប៊ុករបស់នាយករដ្ឋមន្ត្រីកម្ពុជា នៅថ្ងៃចន្ទនេះ បានលើកឡើងថា វ៉ាក់សាំងកូវីដ-១៩ ប្រភេទ Johnson & Johnson ដែលជាជំនួយរបស់រដ្ឋាភិបាលនិងប្រជាពលរដ្ឋអាមេរិកចំនួន៦០៩ ៦០០ដូសបន្ថែមទៀត តាមរយៈមជ្ឈមណ្ឌលកូវ៉ាក់ បានដឹកមកដល់កម្ពុជាហើយ ដែលចំនួននេះជាជំហានទី២ នៃជំនួយសរុប១លានដូសមកកាន់កម្ពុជា។

តាមរយៈមជ្ឈមណ្ឌលកូវ៉ាក់ សហរដ្ឋអាមេរិកបានប្រកាសផ្តល់វ៉ាក់សាំងចំនួន១លាន៦ម៉ឺន១០០ដូស (១ ០៦០ ១០០ដូស) ដល់រាជរដ្ឋាភិបាលនិងប្រជាពលរដ្ឋកម្ពុជា ដោយជំនួយលើកទី១ ទទួលបានរួចហើយចំនួន៤៥០ ៥០០ដូសដែលបានមកដល់កម្ពុជាកាលពីថ្ងៃទី៣០ ខែកក្កដា ឆ្នាំ២០២១ និងលើកទី២នេះចំនួន៦០៩ ៦០០ដូស។

លោកនាយករដ្ឋមន្ត្រី ហ៊ុន សែន បានគូសបញ្ជាក់ថា អំណោយនេះគឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិកចំពោះប្រជាពលរដ្ឋកម្ពុជានិងនៅក្នុងតំបន់ ស្របពេលរដ្ឋាភិបាលកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។