អ្នកជំងឺជិត២០នាក់ទៀតបានស្លាប់ដោយជំងឺកូវីដ-១៩ ដែលធ្វើឱ្យចំនួនអ្នកស្លាប់សរុបកើនឡើងដល់ជាង១ ៥០០នាក់ ខណៈអ្នកឆ្លងថ្មីមានជិត៦០០នាក់ទៀត ក្នុងនោះមានករណីនាំចូលពីក្រៅប្រទេសជិត២០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី០៥ ខែសីហា ឆ្នាំ២០២១ បានឱ្យដឹងថា អ្នកស្លាប់ដោយ ជំងឺកូវីដ-១៩ កាលពីថ្ងៃម្សិលមិញ មានចំនួន១៩នាក់បន្ថែមទៀត និងករណីឆ្លងថ្មីមានចំនួន៥៩១នាក់ ក្នុងនោះមានករណីនាំចូលពីក្រៅប្រទេសចំនួន១៨៣ករណី។ ចំណែកអ្នកជាសះស្បើយថ្មី ក្រសួងថា មានចំនួន៦១៨នាក់។
បើតាមក្រសួងសុខាភិបាល គិតត្រឹមព្រឹកថ្ងៃព្រហស្បតិ៍នេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៨០ ២២៥នាក់ ក្នុងនោះ អ្នកជំងឺព្យាបាលជាសះស្បើយចំនួន៧៣ ៤២១នាក់ អ្នកស្លាប់ចំនួន១ ៥០៧នាក់ និងករណីនាំចូលពីក្រៅប្រទេសចំនួន១១ ៥៣៥នាក់៕
