ក្រសួងសុខាភិបាលបានប្រកាសពីការរកឃើញអ្នកឆ្លងវីរុសកូវីដ-១៩បំប្លែងថ្មីប្រភេទ ”ដែលតា (Delta)” ចំនួន៤៤នាក់ បន្ថែមទៀត។
សេចក្តីប្រកាសព័ត៌មានរបស់ក្រសួងសុខាភិបាល នៅថ្ងៃទី១១ ខែសីហា ឆ្នាំ២០២១នេះ បានបញ្ជាក់ពីលទ្ធផលនៃការធ្វើវិភាគដោយវិទ្យាស្ថានប៉ាស្ទ័រកម្ពុជា ដោយរកឃើញករណីឆ្លងវីរុសកូវីដ-១៩បំប្លែងថ្មីប្រភេទ B.1.617-2 (Delta) នៅកម្ពុជា ចំនួន៤៤នាក់បន្ថែមទៀត រួមមាន អ្នកដំណើរមកពីបរទេសតាមជើងហោះហើរ ចំនួន១នាក់, ពលករខ្មែរត្រលប់ពីវៀតណាមតាមច្រកព្រំដែនអន្តរជាតិបាវិត ចំនួន១២នាក់, បុគ្គលិកសុខាភិបាល ១នាក់, មន្ត្រីរាជការ ១នាក់, សិស្ស ៥នាក់ និងពលរដ្ឋក្នុងសហគមន៍ចំនួន២៤នាក់។
សូមបញ្ជាក់ថា គិតចាប់ពីថ្ងៃទី៣១ ខែមីនា ឆ្នាំ២០២១ ដល់ថ្ងៃទី១០ ខែសីហា ឆ្នាំ២០២១ កម្ពុជារកឃើញអ្នកមានវិជ្ជមានកូវីដ-១៩បំប្លែងថ្មីប្រភេទ Delta លើពលករត្រលប់ពីប្រទេសថៃនិងវៀតណាម អ្នកដំណើរមកតាមជើងហោះហើរ បុគ្គលិកសុខាភិបាល មន្ត្រីរាជការ និងអ្នកភូមិក្នុងសហគមន៍ ដែលមានចំនួនសរុប៤២៩នាក់ ក្នុងនោះស្រី២០៩នាក់៕
