អ្នកជំងឺជាង១០នាក់ទៀតបានស្លាប់ដោយជំងឺកូវីដ-១៩ ខណៈអ្នកឆ្លងថ្មីមានជាង៤០០នាក់ និងអ្នកជាសះស្បើយមានជាង៣០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី៣១ ខែសីហា ឆ្នាំ២០២១ បានឱ្យដឹងថា អ្នកស្លាប់ដោយ ជំងឺកូវីដ-១៩ កាលពីថ្ងៃម្សិលមិញ មានចំនួន១១នាក់បន្ថែមទៀត និងករណីឆ្លងថ្មីមានចំនួន៤៣៩នាក់ ក្នុងនោះមានករណីនាំចូលពីក្រៅប្រទេសចំនួន១២៣នាក់។ សម្រាប់អ្នកជាសះស្បើយថ្មីវិញ ក្រសួងថា មានចំនួន៣៤៣នាក់។
បើតាមក្រសួងសុខាភិបាល គិតត្រឹមព្រឹកថ្ងៃអង្គារនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៩៣ ០៥៥នាក់ ក្នុងនោះ អ្នកជំងឺព្យាបាលជាសះស្បើយចំនួន៨៨ ៧៨៦នាក់ អ្នកស្លាប់កើនដល់ចំនួន១ ៩០៣នាក់ និងករណីនាំចូលពីក្រៅប្រទេសចំនួន១៥ ១៥២នាក់៕
