កម្ពុជារកឃើញអ្នកឆ្លងវីរុសកូវីដ-១៩ថ្មីជាង៥០០នាក់ និងមានអ្នកស្លាប់ជាង១០នាក់
លោកស្រី ពេជ្រ សុធារីកូវីដ-១៩
កម្ពុជាបានរកឃើញករណីឆ្លងជំងឺកូវីដ-១៩ថ្មីចំនួនជាង៥០០នាក់បន្ថែមទៀត ខណៈអ្នកជំងឺជាង១០នាក់ទៀតបានស្លាប់ដោយជំងឺនេះ និងអ្នកជាសះស្បើយមានជាង៤០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី០៦ ខែកញ្ញា ឆ្នាំ២០២១ បានឱ្យដឹងថា អ្នកស្លាប់ដោយ ជំងឺកូវីដ-១៩ កាលពីថ្ងៃម្សិលមិញ មានចំនួន១៣នាក់បន្ថែមទៀត និងករណីឆ្លងថ្មីមានចំនួន៥២៨នាក់ ក្នុងនោះមានករណីនាំចូលពីក្រៅប្រទេសចំនួន១៨៨នាក់។ សម្រាប់អ្នកជាសះស្បើយថ្មីវិញ ក្រសួងថា មានចំនួន៤៤៧នាក់។
បើតាមក្រសួងសុខាភិបាល គិតត្រឹមព្រឹកថ្ងៃចន្ទនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៩៥ ៨២៨នាក់ ក្នុងនោះ អ្នកជំងឺព្យាបាលជាសះស្បើយចំនួន៩១ ១៣១នាក់ អ្នកស្លាប់កើនដល់ចំនួន១ ៩៧០នាក់ និងករណីនាំចូលពីក្រៅប្រទេសចំនួន១៥ ៩៨១នាក់៕