អ្នកនាំពាក្យសេតវិមាន លោកស្រី Jen Psaki បានថ្លែងកាលពីថ្ងៃអង្គារម្សិលមិញថា សហរដ្ឋអាមេរិកអាចប្រឈមនឹងសង្គ្រាមជាមួយពួកតាលីបង់ ប្រសិនបើខ្លួនបន្តរក្សាកងទ័ពរបស់ខ្លួនដែលមានចំនួន២ ៥០០នាក់នៅអាហ្វហ្គានីស្ថាន។
ទីភ្នាក់ងារសារព័ត៌មាន Reuters បានស្រង់សម្ដីអ្នកនាំពាក្យសេតវិមានរូបនេះដែលបានលើកឡើងថា ប្រសិនបើសហរដ្ឋអាមេរិកបន្តទុកកងទ័ពរបស់ខ្លួនឱ្យនៅក្នុងប្រទេសអាហ្វហ្គានីស្ថាន បន្ទាប់ពីកាលកំណត់នៃការដកទ័ពរបស់ប្រធានាធិបតី លោក Joe Biden នៅថ្ងៃទី៣១ ខែសីហានោះ អាមេរិកអាចនឹងមានសង្គ្រាមជាមួយពួកតាលីបង់ជាក់ជាមិនខាន។
គួរបញ្ជាក់ថា ក្រុមតាលីបង់ កាលពីពេលកន្លងទៅ ក៏ធ្លាប់បានប្រកាសពីការបញ្ចប់សង្គ្រាមនៅអាហ្វហ្គានីស្ថាន បន្ទាប់ពីកងកម្លាំងរបស់ពួកគេបានចូលទៅគ្រប់គ្រងវិមានប្រធានាធិបតីអាហ្វហ្គានីស្ថាននៅក្នុងរដ្ឋធានីកាប៊ុល ខណៈកងទ័ពអាមេរិកបានចាកចេញ៕
