សមត្ថកិច្ច​ខេត្ត​បាត់ដំបង​ឃាត់​ខ្លួន​មនុស្ស​ជាង​១០០​នាក់​ដែល​ត្រៀម​ឆ្លង​ដែន​ខុស​ច្បាប់​ទៅ​ថៃ

ថ្ងៃទី ១២ខែតុលា ឆ្នាំ ២០២១ សមត្ថកិច្ចខេត្តបាត់ដំបង និងមន្ត្រីពាក់ព័ន្ធនានា បានចុះបង្រ្កាប​ទប់ស្កាត់ប្រជាពលរដ្ឋដែលប៉ុនប៉ងលបលួចឆ្លងដែន​ពីប្រទេសកម្ពុជាចូលទៅក្នុងប្រទេ​ស​ថៃដោយខុសច្បាប់ ស្ថិតនៅ​ចំណុចភូមិអូរដាលើ ឃុំបឹងរាំង​ ស្រុកកំរៀង​ ខេត្តបាត់ដំបង​។ (ហ្វេសប៊ុក៖ ស្នងការដ្ឋាននគរបាលខេត្តបាត់ដំបង)

សមត្ថកិច្ចខេត្តបាត់ដំបង នៅថ្ងៃអង្គារនេះ​​ បាន​ឃាត់ខ្លួនមនុស្សជាង១០០នាក់ នៅទីតាំងចំនួន​៤កន្លែង ​ដែលត្រៀម​លួច​ឆ្លងដែនដោយ​​ខុសច្បាប់​ចូលប្រទេសថៃ​។

ស្នងការដ្ឋាននគរបាលខេត្តបាត់ដំបង បានចុះផ្សាយលើហ្វេសប៊ុករបស់ខ្លួន​ថា កម្លាំង​​​វរសេនាតូច​នគរបាលការពារព្រំដែនគោកលេខ៨១៩ សហការជាមួយអាជ្ញាធរពាក់ព័ន្ធ​ផ្សេងទៀត បាន​​ចុះទប់ស្កាត់ការនាំពលរដ្ឋ​ឆ្លង​ដែនដោយខុសច្បាប់ទៅប្រទេសថៃ នៅ​ទីតាំងចំនួន​៤ ​ស្ថិតនៅ​ភូមិអូរដាលើ ឃុំបឹងរាំង ស្រុកកំរៀង ​ដោយឃាត់ខ្លួនមនុស្សបានចំនួន១៣០នាក់ ក្នុងនោះ ស្រី្តចំនួន​៥២នាក់ និងកុមារចំនួន១៣នាក់។

ស្នងការដ្ឋាន​បន្តថា បច្ចុប្បន្ន កម្លាំងជំនាញ​នៃអធិការដ្ឋាននគរបាលស្រុកកំរៀង បានធ្វើការសាកសួរនិងស្រាវ​ជ្រាវ​ស្វែង​រក​មូលហេតុ និង​ប្រភពមេខ្យល់​ដែលជាអ្នកដឹកនាំប្រជាពលរដ្ឋលបលួចឆ្លងដែននេះ​ ដើម្បីអនុវត្តតាមនីតិវិធីច្បាប់បន្ត។

វីអូឌី មិនអាចសុំការបញ្ជាក់បន្ថែមពីស្នងការនគរបាលខេត្តបាត់ដំបង លោក សាត គឹមសាន បានទេនៅថ្ងៃអង្គារនេះ។

កាលពីថ្ងៃទី១៦ ខែកញ្ញា ឆ្នាំ២០២១ មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ សង់ត្រាល់ បានបង្ហាញ​របាយការណ៍ស្រាវជ្រាវថ្មីមួយ ដោយរកឃើញថា អំឡុងផ្ទុះការរាល​ដាល​នៃ​មេរោគ​កូវីដ-១៩ ក្នុង​រយៈពេល៧ខែដើមឆ្នាំ២០​២១ មានពលរដ្ឋខ្មែររាប់ពាន់នាក់បានចាញ់​បោក​មេខ្យល់​ចំណាក​ស្រុកទៅ​ធ្វើការនៅក្រៅប្រទេស ពិសេសប្រទេសថៃ ដើម្បីរកការងារធ្វើដោះស្រាយបញ្ហាជីវភាពនិងបំណុល ហើយក្នុងនោះមាន​មនុស្សចំនួន​៧​៤​១នាក់ត្រូវបានអាជ្ញាធរថៃនិងកម្ពុជា​ចាប់​ខ្លួន​។  

ប្រភពដដែលបន្ថែមថា ក្នុងចំណោមនោះមានជិត៥០ភាគរយត្រូវរងការផាកពិន័យ និងការស៊ើបអង្កេត​បញ្ជូ​នទៅចាត់ការបន្តតា​មនី​តិវិធីច្បាប់ ដែលធ្វើឱ្យពួកគេត្រូវរងគ្រោះបន្ថែមលើការគ្មានការ​ងារ​ធ្វើ គ្មានចំណូល បំ​ណុល ហើយរងទុក្ខលំបាករាងកាយនិងសុខភាពថែមមួយកម្រិត។

បើតាមរបាយការណ៍នេះ ពលករខ្មែរនៅថៃចំនួនជាង២៤ ០០០​នាក់បានត្រលប់​មក​ស្រុកកំណើតវិញនៅអំឡុងខែមិថុនា​ និងកក្កដា ឆ្នាំ២០២១ ដែលជាពេលវេលា​ប្រទេសថៃកំពុងផ្ទុះការឆ្លងរាលដាលនៃជំងឺកូវីដ-១៩ ប្រភេទបំប្លែងថ្មី ដែលតា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ