ព័ត៌មានជាតិ, សន្តិសុខ

អ្នកទោសចំនួន៧នាក់រត់គេចខ្លួនពីពន្ធនាគារខេត្តស្ទឹងត្រែង

លោកស្រី ពេជ្រ សុធារី
| ០៨ វិច្ឆិកា ២០២១
ម៉ោង ១៣:៥០

ពន្ធនាគារខេត្តស្ទឹងត្រែង។ (មន្ទីរព័ត៌មានខេត្តស្ទឹងត្រែង)

សមត្ថកិច្ចខេត្តស្ទឹងត្រែង ឱ្យដឹងថា មានអ្នកទោសចំនួន៧នាក់បានរត់គេចខ្លួនចេញពីពន្ធនាគារខេត្តស្ទឹងត្រែង នៅម៉ោងជាង៣ទៀបភ្លឺ ថ្ងៃទី០៨ ខែវិច្ឆិកា ឆ្នាំ២០២១នេះ។

ស្នងការដ្ឋាននគរបាលខេត្តស្ទឹងត្រែង បានផ្សព្វផ្សាយនៅលើបណ្ដាញសង្គមហ្វេសប៊ុករបស់ខ្លួន ដោយមានភ្ជាប់ជាមួយរូបថតថា អ្នកទោសទាំង៧នាក់ដែលបានរត់គេចខ្លួនពីពន្ធនាគារខេត្តនោះ ភាគច្រើនជាអ្នកជាប់ទោសរឿងជួញដូរគ្រឿងញៀន អ្នកជាប់រឿងជួញដូរឈើក្រញូង និងអ្នកជាប់ទោសពាក់ព័ន្ធលួចមានស្ថានទម្ងន់ទោសដោយការប្រើទារុណកម្មនិងអំពើឃោរឃៅ។

ស្នងការខេត្តបានអំពាវនាវដល់ប្រជាពលរដ្ឋដែលបានប្រទះឃើញអ្នកទោសទាំងនោះ សហការរាយការណ៍ដល់សមត្ថកិច្ចផងដែរ ដើម្បីឱ្យសមត្ថកិច្ចជំនាញធ្វើការឃាត់ខ្លួន៕

ខេត្តស្ទឹងត្រែង, ពន្ធនាគារខេត្តស្ទឹងត្រែង, ស្នងការដ្ឋាននគរបាលខេត្តស្ទឹងត្រែង

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។