ក្រសួងសុខាភិបាលបានប្រកាសនៅថ្ងៃសៅរិ៍នេះថា អ្នកជំងឺកូវីដ-១៩ចំនួន ៥ នាក់ទៀតបានស្លាប់ ដែលធ្វើឱ្យចំនួនអ្នកស្លាប់សរុបនៅកម្ពុជាបានកើនឡើងដល់ ២ ៩២៧ នាក់។
យោងតាមសេចក្តីប្រកាសព័ត៌មានរបស់ក្រសួងសុខាភិបាលដដែល ក្រសួងបានរកឃើញអ្នកឆ្លងជំងឺកូវីដ-១៩ថ្មី ដែលលទ្ធផលបញ្ជាក់ដោយម៉ាស៊ីនធ្វើតេស្ត PCR គឺមានចំនួន ២៦ នាក់។ ចំនួននេះបានធ្លាក់ចុះ ៣នាក់ បើប្រៀបធៀបនឹងថ្ងៃម្សិលមិញ។ ក្រៅពីនេះក្រសួងក៏បានបញ្ជាក់ថា នៅថ្ងៃនេះមានអ្នកជាសះស្បើយចំនួន ២៩ នាក់។
សរុបជារួមមក គិតត្រឹមថ្ងៃសៅរ៍នេះ កម្ពុជាមានអ្នកឆ្លងជំងឺកូវីដ-១៩នៅទូទាំងប្រទេសចំនួន ១២០ ០៦៤ នាក់ ក្នុងនោះព្យាបាលជាសះស្បើយចំនួន ១១៦ ៤៤៦ នាក់ ស្លាប់ ២ ៩២៧ នាក់៕
