ក្រសួងសុខាភិបាលឱ្យដឹងថាមិនមានករណីថ្មីនៃការឆ្លងជំងឺកូវីដ-១៩ និងអ្នកស្លាប់ដោយសារជំងឺនេះទេនៅថ្ងៃម្សិលមិញ ដែលករណីនេះបានធ្វើឱ្យកម្ពុជាមិនមានករណីឆ្លងរយៈពេល៦ថ្ងៃមកហើយ។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី១៣ ខែឧសភា ឆ្នាំ២០២២ បានឱ្យដឹងថា អ្នកឆ្លងជំងឺកូវីដ-១៩ថ្មីមាន០ករណី ខណៈអ្នកជាសះស្បើយថ្មីមានចំនួន៣នាក់ និងមិនមានករណីស្លាប់ទេ។
បើតាមក្រសួងសុខាភិបាល គិតត្រឹមព្រឹកថ្ងៃសុក្រនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១៣៦ ២៦២នាក់ ក្នុងនោះ អ្នកជំងឺព្យាបាលជាសះស្បើយចំនួន១៣៣ ១៨៩នាក់ និងអ្នកស្លាប់មានចំនួន៣ ០៥៦នាក់។ ចំណែកករណីឆ្លងអូមីក្រុងក្នុងសហគមន៍វិញ ក្រសួងថាមានចំនួន១៤៤៥៩នាក់៕