កម្មករ​សំណង់​៤នាក់​ស្លាប់​ដោយសារ​ដាច់​ខ្សែកាប​ជណ្ដើរយន្ត​អគារ​កំពុង​សាងសង់​នៅ​ខេត្តព្រះសីហនុ

ព្រះសីហនុ៖ នៅព្រឹកថ្ងៃទី២០ ខែឧសភា ឆ្នាំ២០២២ កម្លាំងជំនាញអធិការដ្ឋាននគរ បាលក្រុងព្រះសីហនុ ចុះពិនិត្យនិងសង្គ្រោះក្នុងហេតុការណ៍ដាច់ធ្លាក់ជណ្តើររ៉កយោងឡើងលើអាគារកំពុងសាងសង់ នៅចំណុចផ្លូវសេតេ ក្រុមទី១១ ភូមិ២ សង្កាត់លេខ៣ ខេត្តព្រះសីហនុ។ (ស្នងការដ្ឋាននគរបាលជាតិ)

កម្មករសំណង់នៅខេត្តព្រះសីហនុចំនួន៤នាក់បានស្លាប់ និង​ម្នាក់​ទៀត​​រង​របួស​ធ្ងន់​​កំពុងសង្គ្រោះបន្ទាន់​នៅឯមន្ទីរពេទ្យ បន្ទាប់ពីជួបគ្រោះថ្នាក់​ដាច់​ខ្សែ​កាប​យោង​ជណ្ដើរ​យន្តពីអគារ​កំពុង​សាង​សង់​ដែល​មានកម្ពស់​១៥ជាន់។

ហេតុការណ៍នេះបានកើតឡើងនៅព្រឹកថ្ងៃទី២០ ខែឧសភានេះ នៅអគារកំពុងសាងសង់មួយ​កន្លែង ស្ថិតនៅចំណុចផ្លូវសេតេ ក្រុមទី១១ ភូមិ២ សង្កាត់លេខ៣ ក្រុងព្រះសីហនុ។

ស្នងការនគរបាលខេត្តព្រះសីហនុ លោកឧត្ដមសេនីយ៍ទោ ជួន ណារិន្ទ បានថ្លែងថា ក្នុងហេតុការណ៍ដាក់ខ្សែកាបយោងជណ្ដើរយន្ត​ពីជាន់ទី១៥មក​នោះ​ គឺ​មាន​​កម្មករ​៣នាក់បានស្លាប់ភ្លាមៗនៅកន្លែងកើតហេតុ ខណៈកម្មករម្នាក់ទៀត​បានស្លាប់នៅពេលបញ្ជូនទៅដល់មន្ទីរពេទ្យ ហើយ​កម្មករម្នាក់ទៀត​រងរបួស​ធ្ងន់។

បើតាមលោក ជួន ណារិន្ទ អាជ្ញាធរកំពុងស្វែងរកម្ចាស់អគារ ដើម្បីឱ្យទទួលខុសត្រូវលើការស្លាប់របស់កម្មករសំណង់ទាំង៤នាក់នេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ