ក្រសួងសុខាភិបាលបានប្រកាសពីការរកឃើញអ្នកឆ្លងជំងឺកូវីដ-១៩ ចំនួន៤០ករណីបន្ថែមទៀតកាលពីថ្ងៃម្សិលមិញ ខណៈអ្នកជាសះស្បើយថ្មីមានចំនួន៣៩នាក់។
សេចក្ដីជូនដំណឹងរបស់ក្រសួងសុខាភិបាល ចុះនៅថ្ងៃទី០៣ ខែសីហា ឆ្នាំ២០២២នេះ ឱ្យដឹងថា អ្នកឆ្លងកូវីដ-១៩ ដែលបានរកឃើញទាំង៤០នាក់នេះ ជាការឆ្លងវីរុសប្រភេទអូមីក្រុង ដែលបញ្ជាក់ដោយម៉ាស៊ីន PCR ក្នុងនោះមាន១៩នាក់ជាករណីដែលស្នើសុំវិញ្ញាបនបត្រចេញទៅក្រៅប្រទេស។
ចំណែកអ្នកជាសះស្បើយថ្មីវិញ ក្រសួងថាមានចំនួន៣៩នាក់ និងមិនមានករណីស្លាប់នោះទេ។
បើតាមក្រសួងសុខាភិបាល គិតត្រឹមព្រឹកថ្ងៃពុធនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១៣៦ ៩០៨នាក់ ក្នុងនោះជាសះស្បើយសរុបចំនួន១៣៣ ៦០៨នាក់ និងស្លាប់ចំនួន៣ ០៥៦នាក់៕
