​រក​ឃើញ​អ្នក​ឆ្លង​​ជំងឺ​កូវីដ​-១៩​ចំនួន​៩​នាក់​​ ​ខណៈ​ជា​សះ​ស្បើយ​១៦​នាក់​

រូបភាពពលរដ្ឋនាំគ្នាធ្វើតេស្តសំណាកពីម៉ាស៊ីនធំ(PCR) ដើម្បីប្រាកដថាពួកគេឆ្លងឬ ជាសះស្បើយពីជំងឺកូវីដ-១៩ នៅមន្ទីរពេទ្យមិត្តភាពកម្ពុជា-សូវៀត ឬពេទ្យរុស្ស៊ីនៅថ្ងៃទី២៨ ខែកុម្ភៈ ឆ្នាំ២០២២។( សូត សុខប្រាថ្នា)

ក្រសួងសុខាភិបាលបានប្រកាសរកឃើញអ្នកឆ្លងជំងឺកូវីដ-១៩ ចំនួន៩នាក់បន្ថែមទៀត ដែលជាប្រភេទអូមីក្រុង និងឆ្លងក្នុងសហគមន៍​ទាំងអស់ ​ ខណៈអ្នកជាសះស្បើយថ្មីពីជំងឺនេះមានចំនួន ១៦នាក់។

សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី១០ ខែកញ្ញា ឆ្នាំ២០២២នេះ បានបញ្ជាក់ពីការ​រកឃើញអ្នកឆ្លងកូវីដ-១៩ ចំនួន ៩នាក់បន្ថែមទៀតកាលពីម្សិលមិញ ដែលជាការ​ឆ្លងក្នុងសហគមន៍ទាំងអស់។ ក្នុងចំណោមអ្នកឆ្លងទាំងនោះ គឺមាន៨នាក់ ជាករណីស្នើសុំវិញ្ញាបនបត្របញ្ជាក់ពីជំងឺកូវីដ-១៩ ដើម្បីចេញទៅក្រៅប្រទេស។

ក្រសួងបន្តថា សម្រាប់អ្នកជាសះស្បើយថ្មី គឺមានចំនួន១៦នាក់ ​ ស្របពេលអ្នកស្លាប់ថ្មីដោយសារជំងឺនេះគឺមិនមាននោះឡើយ។

គិតត្រឹម​ព្រឹកថ្ងៃសៅរ៍នេះ ​ កម្ពុជារកឃើញអ្នកឆ្លងជំងឺកូវីដ-១៩ ​សរុបចំនួន ១៣៧ ​៧០៥​នាក់ ហើយអ្នកជាសះស្បើយសរុបចំនួន ១៣៤ ​​​៥៧៣​នាក់ និងស្លាប់សរុបចំនួន ៣ ០៥៦នាក់។

ជាមួយការរកឃើញអ្នកឆ្លងជំងឺកូវីដ-១៩ ក្នុងសហគមន៍ជាបន្តបន្ទាប់ រាជរដ្ឋាភិបាល ពិសេសតាមរយៈក្រសួងសុខាភិបាលបន្តអំពាវនាវទៅកាន់ពលរដ្ឋឱ្យនាំគ្នាទៅចាក់វ៉ាក់សាំងប្រឆាំងជំងឺកូវីដ-១៩ ឱ្យបានគ្រប់ៗគ្នា និងទៅទទួលវ៉ាក់សាំងដូសជំរុញឱ្យបានគ្រប់ចំនួន ដើម្បីបង្កើនភាពស៊ាំក្នុងសហគមន៍បន្ថែមទៀត៕  

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered