ប្រធានគណបក្សខ្មែររួបរួមជាតិ លោក ញឹក ប៊ុនឆៃ អះអាងថា ការរួបរួមជាមួយគណបក្សកម្ពុជានិយមរបស់លោក យ៉ែម បុញ្ញឫទ្ធិ គ្មានការរៀបចំពីបក្សកាន់អំណាចឡើយ ប៉ុន្តែជាការឈរនៅលើផលប្រយោជន៍ជាតិជាធំ។ ការរួបរួមនេះ ត្រូវបានបញ្ជាក់ជំហរជាផ្លូវការនៅព្រឹកថ្ងៃចន្ទ ទី១០ ខែតុលា ឆ្នាំ២០២២ ដោយប្រធានគណបក្សទាំងពីរ។
លោក ញឹក ប៊ុនឆៃ បញ្ជាក់ថា ការរួបរួមជាមួយគណបក្សកម្ពុជានិយមពេលនេះ ខុសពីការរួបរួមជាមួយគណបក្សរាជានិយមហ៊្វុនស៊ិនប៉ិច ដោយថា គណបក្សនេះគិតរឿងប្រយោជន៍បុគ្គល តំណែងតួនាទីជាធំ មិនដូចការរួបរួមជាមួយបក្សកម្ពុជានិយមពេលនេះឡើយ។