សមាជិក​សភា​អង់គ្លេស​នឹង​ព្យាយាម​បណ្ដេញ​នាយករដ្ឋមន្ត្រី​ថ្មី​ចេញ​ពី​តំណែង

លោកស្រី Liz Truss លើកដៃនៅខាងក្រៅទីស្នាក់ការគណបក្សអភិរក្សនិយម បន្ទាប់ពីត្រូវបានប្រកាសជានាយករដ្ឋមន្ត្រីបន្ទាប់របស់ចក្រភពអង់គ្លេស នៅទីក្រុងឡុងដ៍ ប្រទេសអង់គ្លេស ថ្ងៃទី០៥ ខែកញ្ញា ឆ្នាំ២០២២។ (REUTERS/Phil Noble)

យោង​តាម​ការ​ចេញ​ផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី១៧ ខែតុលា ឆ្នាំ២០២២នេះ បានឱ្យដឹងថា សមាជិកសភាអង់គ្លេសនឹងព្យាយាមបណ្ដេញនាយករដ្ឋមន្ត្រីអង់គ្លេសថ្មី គឺលោកស្រី លីស ត្រាស់ (Liz Truss) ចេញពីតំណែងនៅសប្ដាហ៍នេះ។

ប្រភពដដែលបន្តថា សមាជិកសភាជាង១០០នាក់មកពីគណបក្សអភិរក្សនិយម គ្រោង​នឹងដាក់​លិខិត​បង្ហាញ​ថា​គ្មាន​ទំនុក​ចិត្ត​លើ​លោក​ស្រី Liz Truss ទៅកាន់លោក ហ្រ្កាហាំ ប្រាឌី (Graham Brady) ដែលជាប្រធានគណៈកម្មាធិការរបស់គណបក្សអភិរក្សនិយម។

សមាជិកសភាអង់គ្លេសនឹងជំរុញទៅលោក Graham Brady ឱ្យប្រាប់លោកស្រី  Liz Truss ថា «ពេលវេលារបស់លោកស្រី គឺដល់ពេលហើយ» ឬជំរុញឱ្យផ្លាស់ប្តូរច្បាប់គ្រប់គ្រងគណបក្សនយោបាយ ដើម្បីអនុញ្ញាតឱ្យមានការបោះឆ្នោតភ្លាមៗលើសេចក្តីទុកចិត្តចំពោះការដឹកនាំរបស់លោកស្រី។

ពាក់ព័ន្ធនឹងករណីនេះ លោក Graham Brady កំពុងតែទប់ទល់នឹងចំណាត់ការនេះ ដោយលើក​ឡើងថា លោកស្រី Liz Truss រួមជាមួយនឹងរដ្ឋមន្ត្រីហិរញ្ញវត្ថុថ្មី លោក ចេរ៉េមី ហាន់ត៍ (Jeremy Hunt) ដែលទើបនឹងកាន់តំណែង សមនឹងទទួលបានឱកាសក្នុងដាក់ចេញនូវយុទ្ធ
សាស្ត្រសេដ្ឋកិច្ចនៅថ្ងៃទី៣១ ខែតុលា។

ដោយឡែក សារព័ត៌មាន The Times បានរាយការណ៍ថា សមាជិកសភាអង់គ្លេសមួយចំនួនបានពិភាក្សាជាសម្ងាត់ ស្ដីពីការជំនួសលោកស្រី Liz Truss ដោយមេដឹកនាំថ្មី។

គួរបញ្ជាក់ថា លោកស្រី Liz Truss មកពីគណបក្សអភិរក្សនិយម បានក្លាយជានាយករដ្ឋមន្រ្តីអង់គ្លេសកាលពីខែមុន ជំនួសលោក បូរីស ចនសុន (Boris Johnson) ដែលបានលាលែងពីតំណែងកាលពីខែកក្កដា។

បន្ទាប់ពីដាក់ចេញនូវគោលនយោបាយកាត់បន្ថយពន្ធ លោកស្រី Liz Truss បានប្រឈមនឹងការមិនពេញចិត្តពីសាធារណជន ជាពិសេសពីសមាជិកគណបក្សអភិរក្សនិយម៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ