អន្តរជាតិ

មនុស្ស១១នាក់បានស្លាប់នៅក្នុងព្រឹត្តិការណ៍រត់ជាន់គ្នានៅឯទីកន្លែងប្រគុំតន្រ្តីមួយក្នុងប្រទេសកុងហ្គោ

លោក លី សេងហន
| ៣១ តុលា ២០២២
ម៉ោង ១៦:៥៧

ទស្សនិកជនជាច្រើនសិបនាក់ បានមកដល់ កីឡដ្ឋាន Martyrs ក្នុងទីក្រុង Kinshasa សាធារណរដ្ឋប្រជាធិបតេយ្យកុងហ្គោ ដើម្បីចូលរួមការប្រគំតន្ត្រីរបស់តារាចម្រៀងកុងហ្គោ Fally Ipupa កាលពីថ្ងៃទី២៩ ខែតុលា ឆ្នាំ២០២២។ (REUTERS/Justin Makangara) —–People arrive to attend the concert of the Congolese singer Fally Ipupa, at the Martyrs stadium in Kinshasa, Democratic Republic of Congo October 29, 2022. REUTERS/Justin Makangara

រដ្ឋមន្ត្រីក្រសួងមហាផ្ទៃ របស់សាធារណរដ្ឋប្រជាធិបតេយ្យកុងហ្គោ បានឱ្យដឹងថា មនុស្សចំនួន១១នាក់ បានស្លាប់ នៅក្នុងព្រឹត្តិការណ៍រត់ជាន់គ្នានៅឯកន្លែងប្រគុំតន្ត្រីមួយ ដែលមានមនុស្សច្រើន និងដែលមានវត្តមានរបស់សិល្បករជនជាតិអាហ្វ្រិកដ៏ល្បីម្នាក់ គឺ ហ្វាលី ពូប៉ា (Fally Ipupa) នៅកីឡដ្ឋាន ដ៏ធំបំផុតក្នុងរដ្ឋធានីនៃប្រទេសកុងហ្គោ។ នេះបើយោងតាមការចេញផ្សាយរបស់ ទីភ្នាក់ងារព័ត៌មាន Al Jazeera នៅថ្ងៃទី៣០ ខែតុលា ឆ្នាំ២០២២ ម្សិលមិញនេះ។

រដ្ឋមន្ត្រីក្រសួងមហាផ្ទៃកុងហ្គោ លោក ដានីញ៉ែល អាសេឡូ អូគីតូ (Daniel Aselo Okito) បានស្តីបន្ទោសអ្នករៀបចំកម្មវិធី ដោយនិយាយថា ការប្រគុំតន្ត្រីនៅកីឡដ្ឋានម៉ាទីស៍ (Martyrs) នៅទីក្រុងឃីនសាសា (Kinshasa) «មនុស្សចូលរួមលើសចំនួនកំណត់»។

អ្នករាយការណ៍ព័ត៌មានរបស់ទីភ្នាក់ងារសារព័ត៌មាន Reuters នៅទីតាំងប្រគុំតន្ត្រី បានឱ្យដឹងថា មនុស្សចូលរួមលើសចំនួនកំណត់ គឺមានចំនួនរហូតដល់ ៨០ ០០០នាក់ ហើយហ្វូងមនុស្សនាំគ្នាប្រជ្រៀតចូលទៅរកកន្លែង VIP។

លោក Daniel Aselo Okito បានប្រាប់អ្នករាយការណ៍ព័ត៌មាន នៅឯកីឡដ្ឋានដោយផ្ញើសាររំលែកទុក្ខដល់សាច់ញាតិនៃជនរងគ្រោះថា៖ «មនុស្សចំនួន១១នាក់បានស្លាប់[…] រួមទាំងនគរបាល ២នាក់ផងដែរ»។

លោក Daniel Aselo Okito បន្ថែមថា៖ អ្នករៀបចំកម្មវិធី «នឹងត្រូវផ្ទន្ទាទោស»៕

ប្រទេសកុងហ្គោ, រត់ជាន់គ្នា

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។