រដ្ឋាភិបាល​រំពឹងថា​កម្ពុជា​អាច​នឹង​ដកខ្លួន​ពី​បញ្ជីប្រផេះ​លាងលុយ​កខ្វក់​នៅ​ឆ្នាំ​ក្រោយ

លោក ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធាន គ.ស.ហ បានអញ្ជើញជាអធិបតី ក្នុងកិច្ចប្រជុំលើកទី៥ គណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេវរកម្ម និងហិរញ្ញប្បទានដល់ការរីកសាយភាយអាវុធមហាប្រល័យ (គ.ស.ហ) ថ្ងៃទី១៧ ខែវិច្ឆិកា ឆ្នាំ២០២២។ (ហ្វេសប៊ុកលោក ស ខេង)

​រដ្ឋ​មន្ត្រី​ក្រសួ​ង​ម​ហា​ផ្ទៃ​ លោ​ក ស ​ខេ​ង ​សង្ឃឹ​មថា​ ​កម្ពុ​ជាអា​ច​នឹ​ងរើ​ខ្លួ​នចេ​ញ​ពីប​ញ្ជី​ប្រផេះ​នៃ​ប្រទេ​​ស​​​​​ឃ្លាំ​មើ​​ល​​​​​​​ការលា​ងលុយកខ្វ​ក់ នៅឆ្នាំ​ក្រោយ​ ​ដោ​​យស​ម្អាង​ពីកា​រផ្ដល់​សញ្ញា​វិ​ជ្ជមា​នពី​ក្រុ​មកា​រងា​រហិ​​​រ​ញ្ញវ​ត្ថុ​អន្តរជា​តិ ​​(FAT​F) ដែលបានដាក់កម្ពុជាក្នុងចំណាត់ថ្នាក់នេះជិត៥ឆ្នាំ។

នេះ​​បើតា​​មកិ​​​ច្ច​ប្រជុំ​​បិ​​​ទ​​ទ្វារ​មួ​​យ​នៅ​ក្រ​សួ​ងមហា​ផ្ទៃ​ ​កាល​ពី​ថ្ងៃព្រ​ហស្ប​តិ៍​ម្សិល​មិ​ញ ដែ​លត្រូ​វបាន​គេ​ស្រង់សម្តី​​មក​ចុះផ្សា​យ​នៅ​​លើទំព័រ​ហ្វេ​សប៊ុ​ក​រ​បស់​ ​លោ​ក​ ស​ ខេង ខណៈ​​កិច្ច​ប្រជុំ​នោះ​មានការ​ចូ​ល​រួម​ពី​ក្រសួ​ងពាក់ព័ន្ធ ​និង​​គ​​ណៈ​​កម្មា​ធិ​ការ​សម្រ​បស​ម្រួល​ថ្នា​ក់ជា​តិប្រ​ឆាំ​ង​ការ​សម្អា​តប្រា​ក់​ និ​ងហិ​រ​ញ្ញ​ប្បទា​ន​ភេរវកម្ម ​និង​ហិ​រញ្ញប្ប​ទាន​ដ​ល់កា​ររី​កសាយភាយ​អាវុធ​​មហា​ប្រ​ល័​យ។​​

លោក​ ស​ ខេង ថ្លែង​ថា កិ​ច្ចប្រ​ជុំនោះមាន​គោល​បំណង​ដើ​ម្បី​វាយត​ម្លៃ​អំពី​លទ្ធ​ផលនៃសេច​ក្ដី​ស​​ម្រេ​ចរ​​​ប​ស់មហា​​សន្និ​បាត​ក្រុ​មការ​ងារ​ហិរ​ញ្ញ​វ​ត្ថុ​ ​F​A​T​F​ (​Fin​an​ci​a​l A​ctio​n T​ask ​F​or​ce​) លើ​របា​យ​កា​​រណ៍​​វឌ្ឍ​ន​​​ភាព​ជុំទី​​១​​​០​រ​ប​ស់​ក​ម្ពុ​ជា និ​​ងការដា​ក់​ចេញទិសដៅ​ការងារ​បន្ត ដើម្បីត្រៀ​​មលក្ខ​ណៈ​ឱ្យបា​នល្អ​សម្រា​ប់កា​​រ​​ចុះ​មក​​ពិ​និត្យ​​ដោ​​យ​ផ្ទា​ល់​របស់ ​​FATF​ នៅខែ​មក​រា ​ឆ្នាំ​​២០២៣​ ដែលលោ​កថា​ សំដៅដ​កកម្ពុជាចេញពីបញ្ជីប្រផេះរបស់ FATF នាពេលខាងមុខ។

ជុំវិ​​​ញ​បញ្ហា​​នេះ លោ​ក​​ប្រា​​ប់​ក្រុ​មអ្ន​ក​សា​រ​ព័ត៌​មានក្រោយ​បិទ​ប​ញ្ចប់​​​​កិច្ច​ប្រជុំ​ដូច្នេះថា៖​ «​នេះ​​​​ជាក្តីស​ង្ឃឹ​មរ​បស់​​យើង​ យើង​ស​ង្ឃឹ​ម​ថា​​យើង​​អា​ច​នឹ​​ងដ​កខ្លួ​នចេ​ញពីប​ញ្ជី​ប្រផេះ​​បាន​ ​ដោយ​សា​​រ​តែ​ឆ​ន្ទៈ​​ន​យោ​បាយ​​រប​ស់រដ្ឋា​​ភិបា​ល ​ក៏ដូច​ជាកិ​ច្ច​ខិ​តខំ​ប្រឹ​ងប្រែង​ពី​គ្រ​ប់​ក្រ​សួងស្ថា​ប័ន​ប្រយុទ្ធ​​ប្រឆាំងការ​សម្អាតប្រា​ក់»​​។

លោក​គូសប​ញ្ជាក់​ថា ការ​ដក​កម្ពុជា​ចេញ​ពី​បញ្ជី​ប្រផេះជាកិច្ចការ​ដ៏មាន​សារៈ​សំខាន់ និង​ជា​អាយុជី​​វិ​​តរបស់ប្រទេសជាតិ ទាំងផ្នែកសេដ្ឋកិច្ច និងផ្នែកនយោបាយ។

​​តែយ៉ាង​ណា ​មេដឹ​កនាំ​រូប​នោះនៅ​តែព្រួ​យបា​រ​ម្ភ​ពីប​ញ្ហានេះ​ ដោយ​ថា ​កា​រចុះ​ធ្វើ​អធិ​កា​រ​កិច្ចរបស់ស្ថាប័នអន្ត​រ​​ជាតិ «ជាវិញ្ញា​​សារថ្មីផង និង​ស្មុគស្មាញផងស​ម្រា​​ប់កម្ពុជា»។ បញ្ហានេះ លោក​​បានក្រើនរំឭក​ឱ្យ​ស្ថាប័នពាក់​ព័ន្ធចាំបាច់ត្រូវដោះស្រា​យ​​បញ្ហាប្រ​​ឈ​មថ្មីឱ្យមានប្រសិទ្ធភាព។

នាយកប្រតិបត្តិអង្គកា​​រតម្លា​ភា​ពក​ម្ពុជា លោក ​ប៉ិច ពិសី លើក​ឡើងថា ​​កន្លង​ទៅ ​​វិធា​នកា​រ​ទ​ប់ស្កាត់ប​ទល្មើ​ស​ស​ម្អាត​​​ប្រាក់​ មាន​​ការ​វិ​វត្តជា​វិជ្ជមា​ន​មួយចំ​នួន ដូចជា​​ ការធ្វើ​ច្បាប់​ និ​ងរៀ​ប​ចំឱ្យ​មាន​​ស្ថាប័​នជំ​នា​ញ ដើ​ម្បី​ទ​ទួ​ល​ខុ​សត្រូ​​វទា​​ក់ទិ​ន​នឹ​ងកា​រ​ប្រយុ​ទ្ធប្រ​ឆាំង​​​បទល្មើសលាង​​​​លុយកខ្វក់​ និ​​ងហិរញ្ញប្ប​ទា​ន​ភេរ​វក​ម្ម​លើ​ទឹ​​​កដី​​ក​ម្ពុជា​។​

​បន្ថែ​ម​ពីនេះ​ លោ​កថា​ ​ប្រទេ​ស​ដែល​រើ​ខ្លួ​នចេ​ញ​ពីប​ញ្ជី​ប្រ​ផេះបា​​ន ទា​ល់តែ​​ការ​អនុ​វត្តច្បាប់របស់ប្រទេសឈាន​ទៅទ​ប់​ស្កាត់​បទ​ឧក្រិដ្ឋ​​លាងលុយកខ្វក់ តបតាមអនុសាសន៍របស់ ​F​ATF ដែលបានដាក់ជូន។

ដោយ​ឡែក បញ្ហាកម្ពុជា លោកនៅតែបារម្ភចំពោះការរំពឹង​ទុក​របស់រដ្ឋមន្ត្រីក្រសួងមហាផ្ទៃ ដោយលោកយ​ល់​ថា ការអនុវត្តច្បាប់របស់កម្ពុជានៅមានកម្រិតនៅឡើយ។

លោកថា៖ «កម្ពុជាយើងបានរៀបចំយន្តការគ្រប់គ្រាន់ ក៏​ប៉ុន្តែការអនុវត្តច្បាប់ទាក់ទងនឹងការលាង​លុយនៅ​មា​​នកម្រិតនៅឡើយ ជាពិសេស​ការឈានទៅចាប់ខ្លួនជនសង្ស័យក្នុងទ្រង់ទ្រាយធំ ហើយជាប្រព័ន្ធលើយ​ន្ត​​ការ​លាងលុយអាចមានការពាក់ព័ន្ធទៅនឹងបទឧក្រិដ្ឋដទៃទៀត រួមទាំងការកេងប្រវ័ញ្ចពលកម្ម ការរកស៊ីខុសច្បាប់ ការបោកប្រាស់ផ្សេងៗ ហើយនឹងគម្រោងដែលមិនមានលក្ខណៈ​ច្បាស់លាស់នៅក្នុង​វិស័យអចលនទ្រព្យ និងវិស័យហិរញ្ញវត្ថុ ជាដើម»។

បញ្ហាមួយទៀត លោក ប៉ិច ពិសី គិតថា ដើម្បី​ទប់​ស្កាត់ប​ទ​ឧក្រិដ្ឋលាងលុយកខ្វក់ ឬ​ការវេរសាច់ប្រាក់​ពាក់ព័ន្ធ​​ហិរញ្ញប្បទាន​ភេរវកម្ម​បាន​ជោគ​ជ័យ គេ​ត្រូវ​មាន​កិច្ច​សហប្រតិបត្តិការជាមួយវិស័យធនាគារ គ្រឹះស្ថាន​មីក្រូហិរញ្ញវត្ថុ វិស័យ​​អចលនទ្រព្យ វិស័យ​​វិនិ​យោគ គណនេយ្យករ និង​អ្នកធ្វើសវនកម្ម រួមទាំងទីភ្នាក់ងារលក់អ​ច​ល​​​​នទ្រព្យ និង​ភ្នាក់ងារជាមេធាវីរត់ការ​ ជាដើម ដើម្បីត្រួតពិនិត្យពីប្រភពនៃចរន្តវេរលុយ។

សាស្ត្រាចារ្យវិទ្យាសាស្ត្រនយោបាយ ​លោ​ក ​ឯម​ ​សុវណ្ណរ៉ា​ លើ​ក​ឡើងថា​ កម្ពុ​​ជា​បា​នជា​ប់​ក្នុ​ងប​ញ្ជី​ប្រផេះ​នេះជិ​ត​៥​ឆ្នាំ​​មក​ហើយ​។

លោកបន្ត​ថា ការ​ដែល​កម្ពុជា​អាច​នឹង​ដក​ខ្លួន​ចេញ​ពី​ចំណាត់​ថ្នាក់​នេះជា​ដំណឹង​រីក​រាយ​មួយ។ ប៉ុន្តែលោកថា កម្ពុជានឹងមិនជោគជ័យទេ បើកិច្ចសហការពេលនេះធ្វើឱ្យមានឧបសគ្គដល់វិធានការបង្ក្រាបអំពើពុករលួយ​ជាប្រព័ន្ធ​នោះ។

បញ្ហានេះ លោក​ថា ក្រុម​ការងារ​ហិរញ្ញ​វត្ថុអន្តរ​ជាតិ ទំនង​ជាមា​ន​ប្រភព​និង​ទិន្ន័យ​លើភាពមិនប្រក្រតី​មួយ​ចំនួ​ន តែ​គេចង់​ឱ្យអាជ្ញាធរកម្ពុជាបង្ហាញសុឆន្ទៈទទួលខុសត្រូវដោយខ្លួនឯង។

លោកថា៖ «ខ្ញុំគ្រាន់តែគិតថា អាជ្ញាធរមានសមត្ថកិច្ចហ្នឹងគួរតែពន្លឿន ឬពង្រឹងកិច្ចសហប្រតិបត្តិការយ៉ាងម៉េចជាមួយ​នឹង​បណ្តាញ​ត្រួត​ពិនិត្យ​អន្តរជាតិ​ហ្នឹង​ កុំឱ្យយើងធ្លាក់ទៅក្នុងបញ្ជីខ្មៅ»។

ក្រោយសហរដ្ឋអាមេរិក​ដាក់​កម្ពុជា​ក្នុង​បញ្ជីខ្មៅ ពាក់​ព័ន្ធនឹង​អំពើជួញដូរមនុស្ស អ្នកឃ្លាំមើលខ្លះបាន​លើកឡើង​ថា ក្រោយមានការបង្ក្រាបទ្រង់ទ្រាយធំ នៅទីក្រុងម៉ាកាវ ប្រទេស​ចិន ប៉ុន្មានឆ្នាំក្រោយមកនេះ កម្ពុជាបាន​ក្លាយ​ជា​ជម្រកសុវត្ថិភាពរបស់ក្រុមឧក្រិដ្ឋជន មាន​អំពើ​ពុក​រលួយ​ប្រទាក់​ក្រឡា​គ្នា រហូត​ដល់​សែ​ស្រឡាយ​មេដឹក​នាំ។

តែយ៉ាង​ណា ក្រោយ​លេច​ឮ​បញ្ហា​នេះ រដ្ឋ​មន្ត្រី​ក្រសួង​មហា​ផ្ទៃបាន​បង្ហាញ​ឆន្ទៈ​បង្កើនវិធានគ្រប់គ្រងជនបរទេស និង​ចាត់​វិធាន​ការ​ច្បាប់​នូវ​អ្វី​ដែល​លោក​ថា ដើម្បី​ទប់​ស្កាត់​បទ​ឧក្រិដ្ឋគ្រប់​ទម្រង់​ដែល​ប្រទាក់​ក្រ​​ឡា​​​គ្នា​លើ​ទឹកដី​កម្ពុជា ដោយ​សម្អាង​ថា កម្ពុជាជាប្រទេសរងគ្រោះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ