អន្តរជាតិ

មេបញ្ជាការរុស្ស៊ីផ្ដល់យោបល់ឱ្យប្រើប្រាស់អាវុធនុយក្លេអ៊ែរ និងថាជាជម្រើសតែមួយគត់ដើម្បីឈ្នះសង្គ្រាមនៅអ៊ុយក្រែន

លោក លី សេងហន
| ១៤ ធ្នូ ២០២២
ម៉ោង ១៥:២៨

FILE PHOTO SEP96 – Russia published a revamped national security concept January 14 that makes clear Moscow has lowered the threshold for using nuclear weapons to counter what it sees as a growing military threat. Under a previous draft, Russia reserved to the right to use its arsenal only if its very existence was threatened. Under the new version, Acting President Putin now envisages the potential use of atomic weapons “to repel armed aggression”, a much less specific term. Russian officers take off the camouflage covering from a “Topol-12M” mobile nuclear missile at a strategic forces base near the central Russian city of Yoshkar-Ola.KM/

យោងតាមការចេញផ្សាយរបស់ទីភ្នាក់ងារសារព័ត៌មាន Newsweek នៅថ្ងៃពុធនេះ បានឱ្យដឹងថា មេបញ្ជាការរុស្ស៊ីបានផ្តល់យោបល់ឱ្យប្រើប្រាស់អាវុធនុយក្លេអ៊ែរ ដែលជាមធ្យោបាយតែមួយគត់ដែលរុស្ស៊ីអាចយកឈ្នះសង្គ្រាមនៅអ៊ុយក្រែន។

ការលើកឡើងនេះ គឺបន្ទាប់ពីរយៈពេលជាង៩ខែនៃការលុកលុយរបស់រុស្ស៊ីចូលអ៊ុយក្រែនចាប់តាំងពីខែកុម្ភៈ ដោយសង្ឃឹមថានឹងទទួលបានជ័យជម្នះភ្លាមៗលើប្រទេសជិតខាងរបស់ខ្លួនមួយនេះ។

ផ្ទុយទៅវិញ ប្រតិបត្តិការនេះមិនដូចការរំពឹងទុកឡើយ។ ការការពារខ្លួនដ៏ខ្លាំងក្លារបស់អ៊ុយក្រែន តាមរយៈជំនួយទាំងផ្នែកមនុស្សធម៌ និងយោធាពីប្រទេសលោកខាងលិច បានធ្វើឱ្យទីក្រុងម៉ូស្គូបាត់បង់ផលប្រយោជន៍ផ្នែកយោធាជាច្រើននៅអ៊ុយក្រែន។

លោក អាឡិចសាន់ដឺ ខូដាកូស្គី (Alexander Khodakovsky) មេបញ្ជាការកងទ័ពរុស្ស៊ីប្រចាំនៅតំបន់ដូណេតស៍ (Donetsk) បានលើកឡើងថា អាវុធនុយក្លេអ៊ែរ គឺជាវិធីតែមួយគត់ដែលរុស្ស៊ីអាចយកឈ្នះអ៊ុយក្រែន។

លោកបន្តថា រុស្ស៊ីដឹងថាធនធានរបស់ខ្លួន «នៅមានកម្រិត» ដោយផ្ដល់យោបល់ថា ប្រហែលជារុស្ស៊ីត្រូវងាកទៅប្រើអាវុធនុយក្លេអ៊ែរ ដើម្បីយកឈ្នះអ៊ុយក្រែន។

លោក Alexander Khodakovsky បានថ្លែងថា៖ «យើងមិនមានសមត្ថភាពទេ យើងជាប្រទេសមួយដែលឥលូវនេះកំពុងប្រយុទ្ធជាមួយលោកខាងលិចទាំងមូល ហើយយើងមិនមានធនធានដើម្បីយកឈ្នះសម្ពន្ធមិត្តណាតូ [NATO] ដោយប្រើមធ្យោបាយធម្មតាឡើយ។ ទោះយ៉ាងណា យើងមានអាវុធនុយក្លេអ៊ែរ យើងបានផលិតវាជាពិសេសសម្រាប់ស្ថានភាពបែបនេះ នោះហើយជាមូលហេតុដែលយើងមានជម្រើសតែមួយគត់»។

គួរបញ្ជាក់ថា រុស្ស៊ីបានគំរាមប្រើប្រាស់អាវុធនុយក្លេអ៊ែរជាច្រើនលើកក្នុងជម្លោះជាមួយអ៊ុយក្រែន។

រដ្ឋមន្ត្រីការពារជាតិអាមេរិក លោក ឡូយដ៍ អូស្ទីន (Lloyd Austin) បានព្រមានកាលពីសប្តាហ៍មុនថា លោក ពូទីន កំពុងបង្កើន និងធ្វើទំនើបកម្មឃ្លាំងអាវុធនុយក្លេអ៊ែរ៕

រុស្ស៊ី, អ៊ុយក្រែន

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។