ប្រធានព្រឹទ្ធសភា និងជាប្រធានគណបក្សប្រជាជនកម្ពុជា ជូនដំណឹងពីអវត្តមានក្នុងកិច្ចប្រជុំពេញអង្គព្រឹទ្ធសភា នៅថ្ងៃពុធស្អែកនេះ ដោយសំអាងថាលោកឆ្លងជំងឺកូវីដ-១៩។
លោក ហ៊ុន សែន បានបង្ហាញសារនៅលើហ្វេសប៊ុក របស់លោកនៅល្ងាចថ្ងៃទី២៥ ខែកុម្ភៈនេះថា ដើម្បីចៀសវាងការភាន់ច្រឡំពីការអវត្តមានរបស់លោក ក្នុងអង្គប្រជុំពេញអង្គព្រឹទ្ធសភា នាថ្ងៃស្អែក និងការលុបចោលកម្មវិធីជួបភ្ញៀវមួយចំនួន ពិសេសការចូលគាល់ព្រះមហាក្សត្រ នាព្រឹកថ្ងៃទី២៨ ខែកុម្ភៈ ឆ្នាំ២០២៥ ខាងមុខ។
លោកគូសបញ្ជាក់ថា៖ «ខ្ញុំសូមជម្រាបថា ពេលនេះខ្ញុំមានកូវីដ-១៩ហើយ បន្ទាប់ពីក្អក ហៀរសំបោរមួយយប់មួយថ្ងៃកន្លងមកនេះ»។
លោករំឭកថា ជំងឺកូវីដ-១៩ មិនទាន់ទៅណាឆ្ងាយទេ សូមប្រុងប្រយ័ត្នទាំងអស់គ្នា៕
