ការវាយប្រហារបានរុញច្រានសហរដ្ឋអាមេរិក ឱ្យចូលទៅក្នុងជម្លោះរវាងអ៊ីស្រាអែល និងអ៊ីរ៉ង់ ដែលបានឃើញថាការវាយប្រហារទាំងសងខាងនេះជាប្រភេទពាណិជ្ជកម្ម ដែលអស់រយៈពេលជាងមួយសប្តាហ៍កន្លងទៅ។ នេះបើតាមការផ្សាយរបស់សារព័ត៌មាន CNN។
ប្រភពដដែលផ្សព្វផ្សាយនៅថ្ងៃទី២៣ ខែមិថុនា ឆ្នាំ២០២៥ថា មន្ត្រីរដ្ឋបាលកំពូលសហរដ្ឋអាមេរិក ទទូចថាសហរដ្ឋអាមេរិកមិនធ្វើសង្រ្គាមជាមួយអ៊ីរ៉ង់ទេ។ បន្ថែមពីនេះ លោក ត្រាំ ក៏បានធ្វើការព្រមានទៅកាន់អ៊ីរង់ដែរថា បើសិនអ៊ីរ៉ង់មិនបង្កើតសន្តិភាពទេ សហរដ្ឋអាមរិកនឹងបើកការវាយប្រហារជាថ្មីម្តងទៀត។
ប្រភពសារព័ត៌មាន CNN បានផ្សាយបន្តថា សហរដ្ឋអាមេរិក បានវាយប្រហារទីតាំងនុយក្លេអ៊ែររបស់អ៊ីរ៉ង់សំខាន់ៗចំនួនបី នៅព្រឹកថ្ងៃអាទិត្យ ទី២២ ខែមិថុនា ឆ្នាំ២០២៥នេះ ។ លោក ត្រាំ បានអះអាងថា ប្រតិបត្តិការណ៍នេះ បានបំផ្លាញទីតាំងនុយក្លេអ៊ែររបស់អ៊ីរ៉ង់ទាំងស្រុង។ ប៉ុន្តែមន្ត្រីសហរដ្ឋសហរដ្ឋអាមេរិក និងអ៊ីស្រាអែល នៅតែវាយតម្លៃថា តើវានឹងប៉ះពាល់ធ្ងន់ធ្ងរយ៉ាងណាដល់កម្មវិធីនុយក្លេអ៊ែរក្រុងតេរ៉ាន់?
លោក Trump បាននិយាយនៅក្នុងសុន្ទរកថាមួយ ពីសេតវិមានកាលពីពេលថ្មីៗនេះថា យោធាសហរដ្ឋអាមេរិក បានធ្វើការវាយប្រហារយ៉ាងជាក់លាក់ទៅលើទីតាំងនុយក្លេអ៊ែរសំខាន់ៗចំនួនបី នៅក្នុងរបបអ៊ីរ៉ង់ គឺ ហ្វដូ (Fordo) ណាថាន់ (Natanz) និងអីសហ្វាហាន (Isfahan)។ នេះបើតាមការចុះផ្សាយរបស់សារព័ត៌មាន CNBC៕
