ប្រធានាធិបតីសហរដ្ឋអាមេរិក លោក ដូណាល់ ត្រាំ ទាមទារដល់គ្រប់គ្នាគួរតែរក្សាតម្លៃប្រេងឱ្យនៅក្នុងតម្លៃទាប បើមិនដូច្នេះទេ អ្នកនិងជួយសត្រូវឱ្យទទួលប្រយោជន៍នេះដោយមិនដឹងខ្លួន។
ការលើកឡើងរបស់ លោក ត្រាំ នេះ ខណៈដែលជម្លោះនៅមជ្ឈឹមបូព៌ាមានភាពតានតឹង បន្ទាប់ពីសហរដ្ឋអាមេរិកបានវាយប្រហារទៅលើអ៊ីរ៉ង់។ នេះបើតាមការរាយការណ៍របស់សារព័ត៌មាន ស៊ីអិនប៊ីស៊ី(CNBC)។
បើតាមប្រភព ស៊ីអិនប៊ីស៊ី ដដែលនិយាយនៅថ្ងៃទី២៣ ខែមិថុនា ឆ្នាំ២០២៥នេះថា សាររបស់លោក ត្រាំ បានបង្ហោះនៅលើបណ្តាញសង្គមទ្រូហ្វ (Truth social) ក្រោយពេលសហរដ្ឋអាមេរិកបានទម្លាក់គ្រាប់បែកលើទីតាំងនុយក្លេអ៊ែរសំខាន់ៗរបស់អ៊ីរ៉ង់កាលពីចុងសប្តាហ៍។
សាធារណៈរដ្ឋអ៊ីស្លាម អាចកំណត់ទិសដៅផ្គត់ផ្គង់ថាមពលនៅមជ្ឈឹមបូព៌ា និងបង្កើនតម្លៃប្រេងនៅលើពិភពលោក។
យ៉ាងណា បើផ្អែកតាមប្រភពរបស់ ឌឹ ហ្គាឌៀន(the Guardian) តម្លៃប្រេងឆៅនៅតែបន្តធ្លាក់ចុះចំនួន ៧ភាគរយ និងបានបង្កើនក្តីសង្ឃឹមថា ជម្លោះនឹងមិនរំខានដល់ការផ្គត់ផ្គង់ប្រេងក្នុងតំបន់ទេ៕
