រុស្សីហាក់បានបង្កើនការឈ្លានពាន ទៅលើប្រទេសអ៊ុយក្រែន ពេលមួយយប់ថ្ងៃព្រហស្បតិ៍ ដោយបានបាញ់ដ្រូន(Drone)ជាច្រើន បង្កឱ្យរលំអគារ និងដ្ឋានជាច្រើននៅទីក្រុងគីវ(Kyiv)យ៉ាងដំណំ ។
ការបង្កើនការវាយលុកពីរុស្ស៊ីនេះ ក្រោយប្រធានាធិបតីសហរដ្ឋអាមេរិកលោកដុលណាល់ ត្រាំបាននិយាយថា ‘‘មិនមានការរីកចម្រើនអ្វីទេ’’ ចំពោះកិច្ចព្រមព្រៀងបទឈប់បាញ់នៅក្នុងការសន្ទនាតាមទូរស័ព្ទ ទ្វេរភាគីជាមួយរុស្ស៊ីលោកវ្លាឌីមៀ ពូទីន Vladimir Putin ។ នេះបើតាមប្រភពស៊ីអ៊ិនអ៊ិន។
បើតាមប្រភពស៊ីអ៊ិនអ៊ិននៅថ្ងៃទី ០៤ ខែកក្កដា ឆ្នាំ២០២៥ថា យ៉ាងហោចមានមនុស្ស២៣ នាក់រងរបួសក្នុងការវាយប្រហារដែលមានរយៈពេល ១៣ម៉ោង នេះបើយោងតាមអាជ្ញារធរ និងយោធាក្រុងគីវ(Kyiv)។តាមកងទ័ពអាកាសរបស់ប្រទេសថា អ៊ុយក្រែនបានស្ទាក់ចាប់ដ្រូន(Drone)រុស្ស៊ីចំនួន ៤៧៦ ក្នុងចំណោម ៥៣៩ គ្រឿង។ប្រភពរ៉យទ័រថា រុស្ស៊ីផ្ទាល់បានបាញ់មីស៊ីលចំនួន ១១ គ្រឿងផងដែរ។
ប្រភពបន្តរថា រដ្ឋមន្ត្រីការបរទេសអ៊ុយក្រែនលោក អែនឌ្រី ស៊ីប៊ីថា(Andrii Sybiha) ថា‘‘ យប់ដ៏គួរឱ្យរន្ធត់ និង ការដេកមិនលក់នៅក្នុងក្រុងគីវ(Kyiv)មួយដែលអាក្រក់បំផុតមកដល់ពេលនេះ’’។
ប្រធានាធិបតីអ៊ុយក្រែនលោក វ្លាឌីមៀ ហ្សេឡេនស្គី(Volodymyr Zelensky)ហៅថា ការវាយប្រហារតាមអាកាសដ៏ធំបំផុតមួយ” ដែលប្រទេសនេះបានឃើញ។
ប្រភពបន្តរថា លោក ហ្សេឡេនស្គី(Zelensky)ថា គួរឱ្យកត់សម្គាល់ថា ការជូនដំណឹងអំពីការវាយឆ្មក់តាមអាកាសជាលើកដំបូងនៅទីក្រុងរបស់យើងកាលពីម្សិលមិញដែលចាប់ផ្តើមផ្ទុះឡើងស្ទើរតែដំណាលគ្នាជាមួយនិងការាយការណ៍ប្រពន្ធផ្សព្វផ្សាយអំពីការហៅទូរស័ព្ទរវាងរវាងប្រធានាធិបតី ត្រាំTrump និងលោក ពូទីនPutin”។ ជាថ្មីម្តងទៀត រុស្សីកំពុងបង្ហាញថាខ្លួនគ្មានចេតនាបញ្ចប់សង្គ្រាម និងភេរវកម្មទេ៕
