ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយកាលពីថ្ងៃចន្ទថា សហរដ្ឋអាមេរិកនឹងបញ្ជូនសព្វាវុធទៅឱ្យអ៊ុយក្រែន ដែលជាអាវុធការពារចម្បងមួយ ដើម្បីជួយប្រទេសដែលហែកហួរដោយសង្រ្គាមសម្រាប់ការពារខ្លួន ប្រឆាំងនឹងសមរភូមិមុខរបស់រុស្ស៊ី។ នេះបើតាមសេចក្តីរាយការណ៍របស់រ៉យទ័រ។
រ៉យទ័រ រាយការណ៍នៅថ្ងៃទី៨ ខែកក្កដា ឆ្នាំ២០២៥ថា ការសម្រេចចិត្តរបស់ក្រុងវ៉ាស៊ីនតោន បញ្ឈប់ការដឹកជញ្ជូនសព្វាវុធទៅក្រុងគីវ(Kyiv) បានជំរុញឱ្យមានការព្រមានថា ធ្វើឱ្យមានការប៉ះពាល់ដល់សមត្ថភាពខ្លួនក្នុងការការពារការវាយប្រហារតាមអាកាស និងសមរភូមិមុខរបស់រុស្ស៊ី ដែលការរិះគន់នេះពីសំណាក់គណបក្សប្រជាធិបតេយ្យ និងសមាជិកគណបក្សសាធារណរដ្ឋមួយចំនួនរបស់ លោក ត្រាំ។
ប្រភពថា នៅក្នុងសេចក្តីថ្លែងការណ៍មួយដោយទីស្តីការការពារជាតិសហរដ្ឋអាមេរិក និយាយថា ខ្លួននឹងផ្ញើសព្វាវុធការពារខ្លួនបន្ថែមទៀតទៅអ៊ុយក្រែន តាមការណែនាំរបស់ លោក ត្រាំ ដើម្បីធានាថាអ៊ុយក្រែនការពារខ្លួនគេបាន ក្នុងកិច្ចខិតខំប្រឹងប្រែងបន្តទទួលបានសន្តិភាពយូរអង្វែង។
ប្រភពរ៉យទ័រថា បន្ទាប់ពីការសន្ទនាតាមទូរស័ព្ទ កាលពីថ្ងៃសុក្រ ប្រធានាធិបតីអ៊ុយក្រែន លោក វ្លាឌីមៀ ហ្សេលេនស្គី បាននិយាយថា លោកបានយល់ព្រមលើការបង្កើនសមត្ថភាពក្រុងគីវ (Kyiv) ដើម្បី‘‘ការពារដែនអាកាស’’ នៅពេលដែលមានការវាយប្រហារពីរុស្ស៊ី៕
