អគ្គលេខាអង្គការណាតូ លោក ម៉ាក រូត(Mark Rutte) គ្រោងនឹងជួបប្រធានាធិបតី ដូណាល់ ត្រាំ នៅសប្តាហ៍នេះ ចំពេលដែលមេដឹកនាំសហរដ្ឋអាមេរិក ប្រកាសផែនការលក់សព្វាវុធទៅសម្ព័ន្ធមិត្តណាតូ ដែលពួកគេអាចបន្តបញ្ជូនទៅឱ្យអ៊ុយក្រែន។
យោងតាមទីភ្នាក់ងារសារព័ត៌មានអេភី(AP) រាយការណ៍នៅថ្ងៃទី១៤ ខែកក្កដា ឆ្នាំ២០២៥នេះថា លោករូត នឹងស្ថិតនៅក្រុងវ៉ាស៊ីនតោននៅថ្ងៃចន្ទ និងថ្ងៃអង្គារ គ្រោងនឹងជជែកពិភាក្សាជាមួយ លោក ត្រាំ និងរដ្ឋលេខាធិការ Marco Rubio (ម៉ាកូ រូប៊ីអូ) និងរដ្ឋមន្ត្រីការពារជាតិ Pete Hegseth(ភីក ហេកសែត) ព្រមទាំងសមាជិកសភាផងដែរ។
សម្ព័ន្ធមិត្តកំពូលរបស់ លោក ត្រាំ សមាជិកព្រឹទ្ធសភាពីគណបក្សសាធារណរដ្ឋនៃរដ្ឋកាលីហ្វញ៉ាខាងត្បូងបាននិយាយកាលពីថ្ងៃអាទិត្យថា ជម្លោះជិតឈានដល់ចំណុចមួយកាន់តែតានតឹង ខណៈដែលលោក ត្រាំបង្ហាញការចាប់អារម្មណ៍កាន់តែខ្លាំងឡើង ជួយអ៊ុយក្រែនក្នុងការប្រយុទ្ធប្រឆាំងនឹងរុស្ស៊ី។
ប្រភពនោះ បញ្ជាក់ថា វាជាហេតុដែល លោក ត្រាំ កំឡុងពេលយុទ្ធនាការរបស់គាត់ធ្វើឱ្យបញ្ចប់សង្រ្គាមយ៉ាងឆាប់រហ័សជាអាទិភាពកំពូលនោះ ដែលពីមុនបានច្រានចោលថាជាការខ្ជះខ្ជាយលុយអ្នកបង់ពន្ធរបស់សហរដ្ឋអាមេរិក។
គួររំឭកថា ដំណើរទស្សនៈ លោក រូត កើតឡើងបន្ទាប់ពី លោក ត្រាំ បានចំអក កាលពីសប្តាហ៍មុនថា លោកនឹងធ្វើ “សេចក្តីថ្លែងការណ៍សំខាន់” លើប្រទេសរុស្ស៊ីនៅថ្ងៃចន្ទ និងខណៈដែលអ៊ុយក្រែនកំពុងតស៊ូដើម្បីទប់ទល់នឹងការវាយប្រហារតាមអាកាសដ៏ធំ និងស្មុគស្មាញដែលបានចាប់ផ្តើមដោយកងកម្លាំងរុស្ស៊ី។ យ៉ាងណា ប្រភពថា លោក ត្រាំ បានបដិសេធមិនផ្តល់ព័ត៌មានលំអិតបន្ថែមលើការប្រកាសនៅថ្ងៃខាងមុខនេះទេ។
កាលពីថ្ងៃសុក្រ លោក រ៉ូប៊ីអូ បាននិយាយថា អាវុធមួយចំនួនដែលផលិតដោយសហរដ្ឋអាមេរិកដែលអ៊ុយក្រែន កំពុងស្វែងរកត្រូវបានដាក់ពង្រាយជាមួយសម្ព័ន្ធមិត្តនៅអឺរ៉ុប។ លោក រ៉ូប៊ីអូ បន្តថា សព្វាវុធទាំងនោះអាចនឹងផ្ញើទៅអ៊ុយក្រែនឆាប់ៗ ដោយប្រទេសនៅក្នុងអ៊ឺរុបទិញជំនួសពីសហរដ្ឋអាមេរិក។
លោក ត្រាំ ក៏បានប្រឈមនឹងការអំពាវនាវពីគណបក្សសាធារណរដ្ឋ និងគណបក្សប្រជាធិបតេយ្យ ក៏ដូចជាសម្ព័ន្ធមិត្តអឺរ៉ុប ឱ្យគាំទ្រច្បាប់ក្នុងព្រឹទ្ធសភា ដែលមានចែងក្នុងគោលបំណងធ្វើឱ្យប្រេងរបស់រុស្ស៊ីចុះខ្សោយ និងវាយលុកទីក្រុងមូស្គូដោយដាក់ទណ្ឌកម្ម ដោយសហរដ្ឋអាមេរិក ចំពោះការលុកលុយជាបន្តបន្ទាប់ទៅលើអ៊ុយក្រែន។
ប្រាក់ចំណូលជាចំណុចសំខាន់អាចជួយរក្សាឱ្យសង្រ្គាមរុស្សីនៅស្ងៀមបាន ខណៈដែលសហរដ្ឋអាមេរិក និងសហភាពអឺរ៉ុប បានដាក់បម្រាមនាំចូលនិងនាំចេញយ៉ាងទូលាយទៅលើទំនិញជាច្រើនប្រភេទទៅ និងមកពីប្រទេសរុស្ស៊ី ដែលប៉ះពាល់ដល់វិស័យ ដូចជា ហិរញ្ញវត្ថុ ថាមពល ការដឹកជញ្ជូន បច្ចេកវិទ្យា និងវិស័យការពារជាតិ៕
