អ្នកការទូតសហភាពអឺរ៉ុប៤នាក់ បានប្រាប់រ៉យទ័រថា សហភាពអឺរ៉ុបបរាជ័យសម្រាប់ថ្ងៃទី២ ក្នុងការអនុម័តកញ្ចប់ទណ្ឌកម្មថ្មី ប្រឆាំងនឹងរុស្សី កាលពីថ្ងៃពុធ ខណៈដែលស្លូវ៉ាគីបន្តស្វែងរកសម្បទានលើការផ្គត់ផ្គង់ឧស្ម័ន។
រ៉យទ័រ បានរាយការណ៍នៅថ្ងៃទី១៧ ខែកក្កដានេះថា ក្រុមអ្នកការទូតដែលដឹងច្បាស់អំពីកិច្ចពិភាក្សាបាននិយាយថា ស្លូវ៉ាគីបានវេតូលើការអនុម័តទណ្ឌកម្ម កំឡុងពេលកិច្ចប្រជុំរបស់ឯកអគ្គរដ្ឋទូតនៃបណ្តាប្រទេសសហភាពអឺរ៉ុប ក្នុងនោះប្រទេសម៉ាល់តា ក៏បានលើកពីការជំទាស់ផងដែរ។
បើតាមរ៉យទ័រ រដ្ឋាភិបាលស្លូវ៉ាគី បាននិយាយថា ខ្លួននឹងមិនយល់ព្រមអនុម័តលើការដាក់ទណ្ឌកម្មនេះទេមុនពេលប្រទេសនេះ ទទួលបានការធានាបន្ថែមទៀតថា ខ្លួននឹងមិនប៉ះពាល់ដោយសារផែនការរបស់សហភាពអឺរ៉ុប ដាច់ដោយឡែកមួយ ដើម្បីបញ្ឈប់ឧស្ម័ននៅចុងឆ្នាំ២០២៧នេះទេ។
ផែនការទាំងនោះ ត្រូវបានអនុម័តក្នុងសហភាពអឺរ៉ុបដែលបានពង្រឹងដោយប្រទេសជាច្រើន មានន័យថាស្លូវ៉ាគីតែម្នាក់ឯងមិនអាចវេតូបានទេ តែទោះជាយ៉ាងណាក៏ដោយ ការដាក់ទណ្ឌកម្មទាមទារឲ្យមានការឯកភាព។ ទណ្ឌកម្មនឹងក្លាយជាកញ្ចប់ទី១៨ របស់សហភាពអឺរ៉ុបនៃវិធានការប្រឆាំងនឹងរុស្សី អំពីការឈ្លានពានអ៊ុយក្រែនពេញក្នុងឆ្នាំ២០២២។
ប្រភពបន្ថែមទៀតថា គណកម្មាការសហភាពអឺរ៉ុប ស្វែងរកការឈ្នះលើស្លូវ៉ាគីកាលពីថ្ងៃអង្គារថា ខ្លួននឹងដំណើរការដោះស្រាយលើភាពកង្វល់របស់ខ្លួន៕
