ចៅក្រមនៅតុលាការឧក្រិដ្ឋកម្មអន្តរជាតិ ហៅថា អាយស៊ីស៊ី(ICC)បដិសេធច្រានចោលសំណើររបស់អ៊ីស្រាអែល ក្នុងការដកដីការចាប់ខ្លួនប្រឆាំងនឹងនាយករដ្ឋមន្រ្តី និងអតីតរដ្ឋមន្ត្រីការពារជាតិ ខណៈដែលអាយស៊ីស៊ី ពិនិត្យមើលលើបញ្ហាប្រឈមរបស់អ៊ីស្រាអែល ចំពោះយុត្ថាធិការរបស់ខ្លួនលើការប្រព្រឹត្តនៃសង្រ្គាមហ្គាស្សា។
ទីភ្នាក់ងារសារព័ត៌មាន រ៉យទ័រ រាយការណ៍នៅថ្ងៃទី១៦ ខែកក្កដា ឆ្នាំ២០២៥នេះថា នៅក្នុងសេចក្តីសម្រេចបានចេញផ្សាយលើគេហទំព័រអាយស៊ីស៊ី ក៏បានច្រានចោលសំណើររបស់អ៊ីស្រាអែល ដើម្បីផ្អាកការស៊ើបអង្កេតយ៉ាងទូលាយ ទៅលើឧក្រិដ្ឋកម្មដ៏ឃោរឃៅដែលត្រូវបានចោទប្រកាន់ នៅក្នុងទឹកដីប៉ាឡេស្ទីន។
ICC បានចេញដីកាចាប់ខ្លួន កាលពីថ្ងៃទី២១ ខែវិច្ឆិកា ចំពោះនាយករដ្ឋមន្ត្រីអ៊ីស្រាអ៊ែល លោក បែនចាមីន នេតាន់យ៉ាហ៊ូ និងអតីតប្រមុខការពារជាតិរបស់គាត់ ក៏ដូចជាមេដឹកនាំក្រុមហាម៉ាស ពីបទឧក្រិដ្ឋកម្មសង្រ្គាមប្រឆាំងនឹងឧក្រិដ្ឋកម្មប្រឆាំងនឹងមនុស្សជាតិនៅក្នុងជម្លោះក្នុងតំបន់ហ្គាស្សា។
គួររំឭកថា អ៊ីស្រាអែល បានច្រានចោលដែនយុត្ថាធិការដែលមានមូលដ្ឋាននៅក្រុងឡាអេ និងបដិសេដសង្រ្គាមឧក្រិដ្ឋកម្មនៅតំបន់ហ្គាស្សា ជាកន្លែងដែលខ្លួនធ្វើយុទ្ធនាការយោធាដែលខ្លួននិយាយថា មានគោលបំណងកំចាត់ក្រុមហាម៉ាស ចាប់តាំងពីការវាយប្រហារដ៏សាហាវឃោឃៅ ទៅលើអ៊ីស្រាអែលដោយក្រុមយោធាប៉ាលេស្ទីននៅថ្ងៃទី០៧ ខែតុលា ឆ្នាំ២០២៣។
អ៊ីស្រាអែល បានអះអាងថា ការសម្រេចចិត្តរបស់អង្គជំនុំជម្រះក្តីសាលាឧទ្ធរណ៍ក្នុងខែមេសា ដែលបញ្ជាឱ្យអង្គជំនុំជម្រះពិនិត្យឡើងវិញ លើការជំទាស់ចំពោះដែនយុត្ថាធិការរបស់តុលាការ មានន័យថា មិនសូវមានមូលដ្ឋានយុត្ថាធិការត្រឹមត្រូវសម្រាប់ដីកានេះទេ។
ក្នុងខែមិថុនា សហរដ្ឋអាមេរិក បានដាក់ទណ្ឌកម្មលើចៅក្រមចំនួន ៤រូប នៅតុលាការឧក្រិដ្ឋកម្មអន្តរជាតិអាយស៊ីស៊ី ដែលជាការសងសឹកមិនធ្លាប់មានពីមុនមក ជុំវិញការចេញដីកាចាប់ខ្លួន លោក នេតាន់យ៉ាហ៊ូ (Netanyahu) របស់តុលាការ។ ចៅក្រុមពីររូប ដែលបានដាក់ទណ្ឌកម្ម គឺស្ថិតនៅក្នុងក្រុមប្រឹក្សាដែលសម្រេចបដិសេធសំណើរបស់អ៊ីស្រាអែលក្នុងការដកដីកា៕
