ប្រធានាធិបតីអ៊ុយក្រែន លោក វ្លាឌីមៀ ហ្សេលេនស្គី(Volodymyr Zelenskiy) និងប្រធានាធិបតីរុស្ស៊ី លោក វ្លាឌីមៀ ពូទីន(Vladimir Putin) នឹងជួបជាមួយប្រទេសតួគី ក្នុងសប្តាហ៍នេះ ដើម្បីជជែកពីលទ្ធភាពឈប់បាញ់ ខណៈលោក ពូទីន រងសម្ពាធកាន់តែខ្លាំងពីមេដឹកនាំអាមេរិក លោក ដូណាល់ ត្រាំ។
រ៉យទ័រ(Reuters) បានរាយការណ៍នៅថ្ងៃទី២២ ខែកក្កដានេះថា ទីភ្នាក់ងារសារព័ត៌មានរដ្ឋរុស្ស៊ីបានសម្រង់សម្តីប្រភពក្នុងប្រទេសតួគី ដោយនិយាយថា ការចរចានឹងធ្វើឡើងនៅថ្ងៃពុធ។ ទីភ្នាក់ងារសារព័ត៌មានអាអាយអេ (RIA)ក៏បានសម្រង់សម្តីប្រភពមួយដែរថា ជំនួបនេះនឹងធ្វើឡើងក្នុងរយៈពេលពីរថ្ងៃ គឺថ្ងៃព្រហស្បតិ៍ និងថ្ងៃសុក្រ។
អ៊ុយក្រែនគាំទ្រការអំពាវនាវរបស់សហរដ្ឋអាមេរិក ឱ្យមានបទឈប់បាញ់ជាបន្ទាន់ ខណៈដែលទីក្រុងមូស្កូនិយាយថា ការរៀបចំជាក់លាក់ត្រូវដាក់ដំណើរការ មុនពេលបទឈប់បាញ់ត្រូវបានផ្អាក។
គួររំឭកថា កងកម្លាំងរុស្សី បានចាប់ផ្តើមធ្វើការវាយប្រហារលើទីក្រុងនានា របស់អ៊ុយក្រែន ក្នុងសប្តាហ៍ថ្មីៗនេះ រួមមាន ទាំងម៉ីសីលនិងដ្រូន(drones)រាប់រយ កាលពីយប់ថ្ងៃចន្ទ បានសម្លាប់មនុស្ស២នាក់ និងរងរបួស ១៥នាក់ ក្នុងនោះអ៊ុយក្រែន ក៏បានបើកការវាយប្រហារដោយដ្រូន រយៈចម្ងាយឆ្ងាយផងដែរ។
គម្រោងនៃជំនួបរកការឈប់បាញ់ រវាងអ៊ុយក្រែននិងរុស្ស៊ីនេះ ចំពេលដែល លោក វ្លាឌីមៀ ពូទីន(Vladimir Putin) ស្ថិតក្រោមសម្ពាធកាន់តែខ្លាំងពី លោក ដូណាល់ ត្រាំ ដែលបានបង្ហាញពីដំណើរឆ្ពោះទៅរកការបញ្ចប់ជម្លោះនោះ ក្រោយពីមេដឹកនាំអ៊ុយក្រែន លោក Zelenskiy ជួបផ្ទាល់ជាមួយប្រធានាធិតីអាមេរិក លោក ដូណាល់ ត្រាំ៕
