ក្នុងជម្លោះចុងក្រោយនៅតាមបណ្តោយព្រំដែនរវាងកម្ពុជា-ថៃ ចរន្តជាតិនិយមបានហក់ចូលតាមបណ្តាញអ៊ីនធើណែត នៅក្នុងប្រព័ន្ធផ្សព្វផ្សាយបានប្រមូលផ្តុំ ដើម្បីប្រកួតប្រជែងនូវអ្វីដែលពួកគេមើលឃើញថា សកលលោកបានលម្អៀងទៅរកការពេញចិត្តថៃ។
ដោយលើកឡើងថា ប្រព័ន្ធផ្សព្វផ្សាយអន្តរជាតិអាណិតភាគីទីក្រុងបាងកក ព្រោះវាមានឥទ្ធិពលខ្លាំងជាង និងមានទំនាក់ទំនងល្អជាង ឬមានលក្ខណៈភូមិសាស្ត្រនយោបាយច្រើនជាង។
ប្រភពដឹឌីផ្លូម៉ាត(The Diplomat) បានឱ្យដឹងនៅថ្ងៃទី០៦ ខែសីហា ឆ្នាំ២០២៥ថា មានការលើកឡើងអំពីភាពមិនពេញចិត្តពីសំណាក់អ្នកបង្កើតមាតិកាសង្គមមួយចំនួន ដែលមានឥទ្ធិពលនៅក្នុងប្រទេសកម្ពុជា អំពីការរីកសុះសាយប្រព័ន្ធផ្សព្វផ្សាយសង្គមរបស់ថៃ។ ក្នុងនោះដែរ អ្នកផលិតមាតិកាសង្គមដែលមានគណនេយ្យអ៊ីនស្តាក្រាម(Instagram) ឈ្មោះថា ស្រីនា នា(SreyNea Nea) បានដាក់ជាសំណួរថា ‘‘ព្រោះតែប្រទេសថៃធំជាង ហើយមានប្រព័ន្ធផ្សព្វផ្សាយកាន់តែច្រើន ទើបកម្ពុជាក្លាយជាមនុស្សអាក្រក់មែនទេ?’’។
ដោយឡែកតារាចម្រៀងប៉ប(Pop singer) និងក៏ជាអ្នកនិពន្ធ ស៊ីណូរ៉ា រ័ត្ន(Sinora Roath) ដោយបាននិយាយថា៖ «ប្រទេសថៃគឺកំពុងឈ្លានពានកម្ពុជា ពីព្រោះពួកគេចង់បានប្រាសាទយើងច្រើន ហេតុអ្វីបានជាអ្នកលោភលន់? ការផ្សាយព័ត៌មានរបស់អ្នកគឺទូលាយណាស់ នៅពេលដែលអ្នកប្រាប់ពិភពលោកថាយើងជាអ្នកឈ្លានពាន ពិភពលោកបានជឿអ្នក និងមានអ្នកផលិតមាតិកាសង្គមផ្សេងទៀត ក៏បានលើកឡើងស្រដៀងៗគ្នាផងដែរ អំពីភាពលំអៀងប្រព័ន្ធផ្សព្វផ្សាយព័ត៌មានអន្តរជាតិ រាយការណ៍និន្នាការទៅខាងភាគីថៃ»។
ប្រភពបន្តថា ទោះបីជាប្រទេសថៃជួបរដ្ឋប្រហារយោធាជាញឹកញាប់ក៏ដោយ ក៏ប្រទេសថៃនៅតែត្រូវបានចាត់ទុកថា ‘‘ជាលទ្ធិប្រជាធិបតីគ្មានលក្ខណៈពេញលេញ’’ ដោយដឹ អ៊ីខូណូមីស អ៊ីនថែលលិជិន យូនីត (the Economist Intelligence Unit) ដែលត្រូវបានវាយតម្លៃដោយហ្វ្រីដមហៅស៍ (Freedom house)។
ប្រទេសនេះ រៀបចំការបោះឆ្នោតទៀតទាត់គាំទ្រសង្គមស៊ីវិលសកម្ម និងរក្សាបរិយាកាសប្រព័ន្ធផ្សព្វផ្សាយចម្រុះ ទោះបីជាសកម្មភាពទាំងអស់នេះ ដំណើរការក្រោមឧបសគ្គគួរឱ្យកត់សម្គាល់ក៏ដោយ។ តួយ៉ាងក្រុងបាងកក មិនដូចក្រុងភ្នំពេញទេ ប្រព័ន្ធផ្សព្វផ្សាយព័ត៌មានអន្តរជាតិធំៗ ដូចជា Reuters, the BBC, the Associated Press, Al Jazeera, the Financial Times, NBC ដែលភាគច្រើនមានទំនាក់ទំនងជាមួយក្លឹបអ្នកឆ្លើយឆ្លងព័ត៌មានបរទេសនៃប្រទេសថៃ (FCCT) នៅកណ្តាលទីក្រុងបាងកក ដែលផ្ទុយពីកម្ពុជាគ្មានរឿងពិតទេ ទោះបីជានៅតែរៀបចំការបោះឆ្នោតតាមកាលកំណត់ក៏ដោយ ក៏ប្រទសនេះត្រូវបានគេចាត់ទុកថា ជារដ្ឋឯកបក្សផ្តាច់ការក្រោមការគ្រប់គ្រងរបស់គណបក្សប្រជាជនកម្ពុជា(CPP)។
គួរកត់សម្គាល់ថា ក្នុងរយៈពេលមួយទសវត្សន៍កន្លងមកនេះ រដ្ឋាភិបាលបានរុះរើប្រព័ន្ធផ្សព្វផ្សាយឯករាជ្យដែលឈានដល់ការបិទទ្វារនៅឆ្នាំ២០២៣ នៃសំឡេងប្រជាធិបតេយ្យ(VOD) វិទ្យុអាស៊ីសេរី (RFA) បានបិទការិយាល័យរាជធានីភ្នំពេញរបស់ខ្លួន។ នៅឆ្នាំ២០១៧ កាសែត ខេមបូឌា ដេលី( Cambodia Daily) ជាភាសាអង់គ្លេស ដែលជាសសរស្តម្ភនៃការរាយការណ៍ការស៊ើបអង្កេតជាយូរមកហើយ ក៏ត្រូវបានបង្ខំឱ្យបិទផងដែរ។ នៅឆ្នាំបន្ទាប់ កាសែតភ្នំពេញប៉ុស្តិ៍ ត្រូវបានលក់ក្រោមសម្ពាធអ្នកវិនិយោគ ដែលចូលចិត្តរដ្ឋាភិបាល។
មកដល់ការបោះឆ្នោតឆ្នាំ២០១៨ នៅពេលដែលគណបក្សប្រជាជនកម្ពុជា ទទួលបានអាសនៈទាំងអស់ ១២៥នៅក្នុងរដ្ឋសភានោះ សារព័ត៌មានឯករាជ្យរបស់ប្រទេសត្រូវបានរលត់ទាំងស្រុង៕
